Lögfræðingafélag Íslands fór í 60 manna fræðsluferð til Varsjá og Kraká í Póllandi í september 2025 og leitað var til Tripical með skipulag og undirbúning ferðarinnar.

Það kom skemmtilega á óvart hversu góðan tíma sérfræðingar ferðaskrifstofunnar gáfu sér í samtöl, fundarhöld og ýmislegt sem laut að gerð dagskrár og undirbúningi ferðarinnar.

Vefsíða var sett upp fyrir ferðina okkar og þar kom fram með mjög skýrum hætti dagskrá ferðar, tímasetningar, tengiliðir fyrir einstakar ferðir og viðburði. Jafnframt fengum við frábærar tillögur um skoðunarferðir sem okkur hefði aldrei hugkvæmst. Stöðugt komu þau okkur á óvart með viðbótarupplýsingum, s.s. með lista yfir kaffihús, veitingastaði, söfn o.fl. og jafnvel fjarlægðir frá hótelinu okkar.

Það mátti svo greinilega merkja faglegan metnað hjá okkar sérfræðingum hjá Tripical og mikinn áhuga á að kynna fyrir hópnum sem bestu upplýsingar um land, þjóð og menningu. Óhætt er að segja að ferðalangar hafi komið ánægðir úr förinni og við getum svo sannarlega gefið Tripical okkar bestu einkunn.

–

Margrét

Lögfræðingafélag Íslands