Um Tripical

Ferðaskrifstofan Tripical hefur undanfarin ár flutt tæplega tíu þúsund farþega víða um heim. Viðskiptavinir fyrirtækisins njóta bæði verndar hefðbundinnar tryggingar sem framvísa þarf við útgáfu leyfis til rekstrar ferðaskrifstofu auk verndar þeirrar tryggingar sem skilyrt er í lögum nr. 96/2018 Ferðamálastofu. Kveðið er á um fyrirkomulag í reglugerð 150/2019 um pakkaferðir og samtengda ferðatilhögun.

Við urðum loksins til árið 2015, þótt hugmyndin um að svara kalli viðskiptavina um framúrskarandi upplifun hafi blundað hjá okkur mjög lengi. Með nýjum áfangastöðum, nýstrárlegum ferðalögum og ferskri nálgun á ferðaþjónustu bjóðum við Íslendingum að upplifa eitthvað alveg nýtt. Við leggjum okkur fram við að veita hraða og persónulega þjónustu í öllum okkar samskiptum við þá sem leita til okkar með ævintýraferðir, hreyfiferðir og hópaferðir fyrir fjölskyldur, fyrirtæki og skólahópa

Tripical sérhæfir sig aðallega í hópaferðum. Hópaferðir Tripical eru fyrir 30 manns eða fleiri.

Það eiga allir sína drauma, þeir eru bara misstórir. Tripical býður ævintýragjörnum ferðalöngum að láta drauma sína rætast, sama hver stærðargráðan er. Tripical útfærir og skipuleggur ferðir fyrir þá sem njóta þess að fara á nýja staði, kynnast annars konar menningu, smakka nýjan mat og upplifa annað umhverfi. Við erum í raun bara með eitt markmið: að gera ferðalagið þitt að ógleymanlegu ævintýri.

Á tímum hnattvæðingar verður heimurinn sífellt minni og minni og það verður stöðugt einfaldara að ferðast. Stundum snýst þetta bara um að kýla á hlutina, hoppa upp í vél og halda á vit ævintýranna. Við hjá Tripical erum ævintýragjörn, uppátækjasöm og við elskum að ferðast. Við viljum nálgast íslenska ferðaþjónustu á alveg nýjan hátt og hjálpa fólki að láta alla sína villtustu ferðadrauma rætast. Þess vegna erum við svo miklu meira en bara ferðaskrifstofa, við erum ævintýramiðlun.

Hafir þú áhuga á ótrúlegri lífsreynslu og að skapa minningar sem endast hafðu þá samband við okkur og við setjum saman draumaferðina. Þú getur sent okkur skilaboð, hringt í okkur eða komið við á skrifstofum okkar í Borgartúni 8.

Upplýsingar um fyrirtæki:

Tripical Travel ehf
+354 519 8900
Kt. 460217-1050
Vsk nr. 127203
Borgartúni 8, 105 Reykjavík
hallo@tripical.com
Við tökum við VISA og Mastercard