Frábær þjónusta hjá Tripical og ferðin stóðst allar væntingar okkar

Við viljum koma á framfæri einlægri ánægju með frábæra þjónustu Tripical í tengslum við árshátíðarferð Félagsbústaða sem farin var til Split í Króatíu í maí.

Tripical sá alfarið um skipulagningu ferðarinnar og stóð sig með mikilli fagmennsku frá upphafi til enda. Ferðin heppnaðist einstaklega vel og skapaði skemmtilega upplifun og stemningu í hópnum.

Hótelið sem var valið var algjörlega frábært – bæði aðstaðan, staðsetningin og þjónustan voru til fyrirmyndar. Það var augljóst að ferlið var í höndum fagfólks sem leggur metnað í að gera hlutina vel.

Það er einnig vert að taka fram að Tripical hlustar á viðskiptavininn og gerir sitt allra besta til að skapa upplifun sem hentar hópnum og stendur undir væntingum.

Við mælum heilshugar með Tripical fyrir fyrirtæki sem vilja skipuleggja árshátíðarferð eða aðra hópferð og hlökkum til að vinna aftur með þeim í framtíðinni.