Fræðsluferð til Glasgow 2025
Lengd ferðar:
5 dagar / 4 nætur
Land:
Skotland Gjaldmiðill:
Enskt pund
Flugáætlanir:
23.-27. apríl 2025
29. apríl-3. maí 2025
Skemmtileg skotagleði!
Stærsta borg Skotlands og ein helsta verslunarborg Bretlands. Töfrandi arkitektúr fyrri alda, frábærir veitingastaðir og krár, og afar hressandi næturlíf, enda Skotar annálaðir fyrir almenn skemmtilegheit. Glasgow er meiriháttar, og sannarlega þess virði að kíkja í heimsókn.
Tilkomumiklar byggingar Glasgowborgar bera sögu hennar gott vitni, og þá sérstaklega fallegur arkitektúr Viktoríutímans, sem er einmitt eitt stærsta aðdráttarafl borgarinnar. Glasgow var lengi vel mikil iðnaðarborg, en það tók að breytast eftir Kreppuna miklu á fyrri hluta 20. aldar. Síðan þá hefur hún þróast í að verða miðstöð menningar og verslunar, hefur t.d. borið titilinn Menningarborg Evrópu, og þar er að finna einn stærsta vettvang nútímalista á Bretlandseyjum, fyrir utan London. Borgin eldist einstaklega vel og blómstrar nú sem aldrei fyrr, enda streyma til hennar ferðamenn, hvaðanæva úr heiminum.
The “toon” – the “cerrry”
Skotar eru vinaleg þjóð og glaðværir gestgjafar. Ef þú stendur áttavilltur í miðbæ borgarinnar (þekktur sem “town”, en öllu heldur “the toon” hjá þeim skosku) er líklegt að hjálpsamur vegfarandi komi og bjóði þér aðstoð sína. Skotar eru bara þannig. Og ef enginn kemur af fyrra bragði er bara að spyrja næsta mann. Það ber árangur.
Glasgow hefur tvisvar hlotið titilinn “Carry Capital of Britain”. Þar er mikið úrval af ýmis konar veitingastöðum, hvort sem þú vilt hafa það indverskt, fá þér vel soðið haggis eða eitthvað allt annað. Kannski stafar pressan og kröfur um gæði af þeirri staðreynd að Glasgow er hvorki meira né minna en fæðingastaður sjónvarpskokksins alræmda Gordon Ramsey.
Grænir garðar og glæsileiki
Til að koma þér í gegnum fullkomlega eðlilegan valkvíða eru hér nokkrar ábendingar sem hægt er að leggja af stað með: The City Chambers er stórglæsileg 19. aldar bygging sem hýsir í dag starfsemi borgaryfirvalda, en er auk þess opin fyrir gesti sem vilja skoða sig um. Þá er Glasgow Cathedral stórbrotin ásýndar, jafnt innan sem utan. Fyrir þá sem kjósa að halda sig meira utan dyra, þá er fjöldi skrúðgarða í borginni, þar sem hægt er að skoða fjölbreytta flóru og slaka á við seiðandi blómaangan.
Svo er auðvitað bjórinn flæðandi allt um kring og alltaf stutt í næstu krús! Er ekki líka tilvalið að versla eins og eitt skotapils? Jafnvel eins og eina sekkjapípu? Þú veist, when in Glasgow…
Hápunktar ferðar
-
favoriteStórkostlegar byggingar
-
favoriteSkemmtilegir og málglaðir gestgjafar
-
favoriteFjörugt næturlíf
-
favoriteFallegir almenningsskrúðgarðar
Innifalið í verði
- Flug fram og til baka
- 4 nætur á hóteli í miðbæ Glasgow (Með morgunmat)
- 20 kg innritaður farangur
- Rútur til og frá flugvelli
Ekki innifalið
- Hádegismatur og kvöldmatur
- Fararstjórn (óska eftir sérstaklega)
- Fræðsluheimsóknir og námskeið (óska eftir sérstaklega)
Verð frá: 157.900kr.- á mann í tvíbýli
ibis Styles Glasgow Central 3* eða sambærilegt
Ibis Styles Glasgow Central er staðsett í miðbæ Glasgow, 700 metrum frá aðallestarstöðinni. Boðið er upp á sameiginlega setustofu, veitingastað og bar. Þetta 3 stjörnu hótel er með herbergisþjónustu, sólarhringsmóttöku og ókeypis WiFi. Gististaðurinn er ofnæmisprófaður og er staðsettur í 1,2 km fjarlægð frá Buchanan Galleries.
Boðið er upp á morgunverðarhlaðborð, léttan morgunverð eða enskan/írskan morgunverð á gististaðnum.
Hægt er að spila biljarð á þessu 3 stjörnu hóteli.
Meðal vinsælla og áhugaverðra staða í nágrenni við hótelið má nefna Glasgow Royal Concert Hall, torgið George Square og Glasgow Queen Street-stöðina. Næsti flugvöllur er flugvöllurinn í Glasgow, en hann er 12 km frá ibis Styles Glasgow Central.
Hótelið fær heildareinkunn 8,7 og einkunn 9,1 fyrir staðsetningu á booking.com.
Verð frá: 179.900kr.- á mann í tvíbýli
Clayton Hotel Glasgow City 4* eða sambærilegt
Clayton Hotel Glasgow City er vel staðsett í Glasgow og býður upp á loftkæld herbergi, veitingastað, ókeypis WiFi og bar. Þetta 4-stjörnu hótel býður upp á herbergisþjónustu og sólarhringsmóttöku. Gististaðurinn er reyklaus og er staðsettur í 700 metra fjarlægð frá aðaljárnbrautarstöðinni í Glasgow.
Allar einingar eru með flatskjá með gervihnattarásum, katli, sturtu, ókeypis snyrtivörum og skrifborði. Öll herbergin eru með sérbaðherbergi með hárþurrku og sum eru með útsýni yfir ána. Öll herbergin eru með fataskáp.
Morgunverðarhlaðborð er í boði daglega á hótelinu.
Áhugaverðir staðir í nágrenni Clayton Hotel Glasgow City eru Buchanan Galleries, Glasgow Royal Concert Hall og George Square. Næsti flugvöllur er flugvöllurinn í Glasgow, 12 km frá gististaðnum.
Hótelið fær heildareinkunn 8,9 og einkunn 9,5 fyrir staðsetningu á booking.com.
Umsagnir fyrri hópa
Við hjá Tripical leggjum okkur mikið fram við að gera ferðina þína sem eftirminnilegasta!
Við erum afar stolt og ánægð yfir þeim frábæru umsögnum sem viðskiptavinir hafa gefið okkur:
Umsagnir fyrri hópa Tripical
Skotland
Land sem leynir á sér!
Sekkjapípan sigrar kannski aldrei keppnina um hljómbesta hljóðfærið. En skoska þjóðin kemst langt í keppninni um skemmtilegustu og vinalegustu gestgjafana. Eru Skotar allsberir undir pilsunum? Þarftu ekki bara að kíkja í heimsókn og tékka á því?
Njóttu textans með skoskum “ljúfum tónum” á uppáhalds hljóðfæri okkar allra
Almennar upplýsingar:
- Fjöldi fólks: 5,404,700
- Stærð að flatamáli: 77,933 km2
- Opinbert Tungumál: Enska
- Gjaldmiðill: Breskt Pund
- Hitastig: Yfir sumar 9-16°C að meðaltali. Veturnir eru um 5-8°C að meðaltali
- Tímabelti: 0 klukkutímum á undan Íslandi, 1 á undan yfir sumartímann
Úti er ævintýri
Skosk náttura er ævintýri líkust. Stundum ekki ósvipuð Íslandi, en gróðurfar er sælla, Skotland er grænt, tré eru há, víðáttan mikil. Hér svífa gylltir ernir yfir vötnum og otrar busla á ám. Svæði þar sem þú sérð gyllta örnin svífa yfir vötn og fjöll á norðursvæði landsins og Otra sulla og busla í ám. Og svo auðvitað Loch Ness skrýmslið…
Í Skotlandi eru kastalar mjög margir og allir hafa þeir sín sérkenni og yfir þeim hvílir mikil saga.
Bragðaðu á Skotlandi
Einhvern tíma var hlegið að breskri matargerð og hún kölluð ýmsum miður smekklegum nöfnum. En þess háttar heyrir fortíðinni til! Veitingastaðir í Skotlandi hafa hrist af sér gamalt leiðindarorðspor, þar er víða boðið upp á ferskt staðbundið hráefni, nýveiddan fisk, og kjöt og grænmeti beint frá býli. Ekki er verra að skella í sig eins og einum einföldum viskí til að bæta meltinguna.
Edinborg
Edinborg, höfuðborg Skotlands, er líflegur og heillandi áfangastaður sem laðar að sér gesti alls staðar að úr heiminum. Með sína ríku sögu, töfrandi byggingarlist og fjölskrúðugt menningarlíf hefur Edinborg eitthvað fyrir alla.
Eitt vinsælasta aðdráttarafl hennar verður að teljast Edinborgarkastali, sögulegt virki sem á rætur sínar að rekja til 12. aldar. Gestir geta skoðað kastalann og fræðst um heillandi fortíð hans, þar á meðal hlutverk hans í sjálfstæðisstríðum Skotlands og uppreisn Jakobíta.
En Edinborg státar einnig af fjölmörgum söfnum og galleríum, svo sem Skoska þjóðlistasafninu, Þjóðminjasafni Skotlands og Konunglega grasagarðinum.
Þar að auki er borgin fræg fyrir hátíðir sínar, þar á meðal Edinburgh International Festival, Edinburgh Fringe Festival og Royal Edinburgh Military Tattoo. Þessir viðburðir draga til sín listamenn og áhorfendur alls staðar að úr heiminum, og gera Edinborg að heljarinnar suðupotti sköpunar og skemmtunar.
Hvort sem þú hefur áhuga á sögu, menningu eða skemmtun þá er Edinborg frábær áfangastaður sem er vel þess virði að heimsækja.
Skíð (e. Isle of Skye)
Stærsta eyjan við Skotlandsstrendur og þriðji vinsælasti ferðamannastaður landsins (á eftir Edinborg og Loch Ness vatninu). Þar hefur haldist byggð allt frá miðri steinöld og í dag búa þar rúmlega 9 þúsund manns. 
Hér finnurðu töfrandi landslag, og einstakt dýralíf, en gullernir, krónhirtir og lax eru meðal dýra sem búa á og við eynna. Það má þó alveg gera ráð fyrir að skoska þokan láti sjá sig og bregði hulu yfir útsýnið. Það er allt í lagi, þú ferð bara og skoðar einhvern af fjölmörgum kastölum eyjunnar og færð þér svo mat og drykk á góðum veitingastað í bænum.
Aberdeen
Aberdeen er orkuborg og þekkt undir nafninu Granítborgin, eftir undirstöðu borgarinnar og svæðinu í kring. Ekki langt frá er hin yfirgefna Rubislaw Quarry náman, sem eitt sinn var dýpsta manngerða hola í Evrópu. Á björtum sumardegi má sjá borgina glitra af endurkasti granítsins. Aftur á móti geta dagarnir verið heldur lágskýjaðir og stundum erfitt að átta sig á hvar byggingarnar enda og himininn tekur við. Viðurnefni borgarinnar á þó líka að nokkru leyti við um íbúanna, sem þykja grjótharðir.
Snilldar blanda af nýju og gömlu
Aberdeen hefur verið að sækja í sig veðrið síðustu ár, ekki síst vegna stórfellds olíuiðnaðar í Norðursjó. Fjármagnið sem honum fylgir hefur hækkað verðlag, sem þykir nú jafn hátt þar og í Lundúnum.
Aberdeen er orðin lúxusborg. Nýtísku hótel, veitingastaðir og klúbbar hafa risið upp, sem og fjölbreyttari afþreying og skemmtun. Hér eru líka að sjálfsögðu söfn sem vert er að skoða, og aldagamlar byggingar. Og það sem mörgum finnst mikilvægast af öllu: Risamoll! Hér er hægt að versla vel og mikið!
Dagskrár hverrar fræðsluferðar er háð ferðadagsetningum hverju sinni. Dagskrá sem er innifalin í starfsferðum Tripical eru vinnustaðarheimsóknir/fræðsla sem er sniðin að þörfum hvers hóps.
Starfsferðir eru hálfgert dómínó og ekki alltaf ljóst hvað er hænan og hvað er eggið. Að því sögðu þá þekkjum við viðmið til að fá styrk og hvaða gögn þið þurfið. Það getur tekið okkur tíma að fá fullnægjandi gögn en við höfum fengið A+ í kladdann hjá sjóðunum og komið öllum út sem hafa tekið tilboði frá okkur. Við leggjum alltaf mikið upp úr fræðsluhlutanum og reynum að gera ferðina ykkar gefandi, áhugaverða sem og skemmtilega.
Áður en fræðslufúsir ferðalangar leggja í hann, fær forsvarsmanneskja hópsins nákvæma dagskrá og öll nauðsynlegum gögn sem tengjast ferðinni. Svo bara læra, lifa og njóta!
