Hópferð til Prag

Tékkland

Tékkland er staðsett í Mið-Evrópu og liggur suðustur af Þýskalandi, að Austurríki í suðri, Póllandi í norðri og Slóvakíu í suðaustri. Þótt landið taki ekki mikið pláss á kortinu á það sér afar mikla og viðburðaríka sögu. Þar hafa frá örófi alda hinar ýmsu þjóðir farið með völd, og oftar en einu sinni í sögunni var landið sannkallað stórveldi. Víða má finna fornar minjar, virðuleg stórhýsi, kastala og klaustur, og jafnvel heilu bæjarfélögin, byggð af slíkri kostgæfni að tíminn hefur ekki náð að vinna á þeim.

Þetta er magnaður fjársjóður frá liðnum tíma, og ekki sakar dásamlegt umhverfið allt í kring, en í Tékklandi eru hinir myndarlegustu skógar og fjöllin einstaklega tignarleg. Höfuðborgin Prag er af mörgum talin sú fegursta í Evrópu, en aðrar borgir landsins hafa einnig upp á heilmargt að bjóða, glæsilegar byggingar, gómsætar veitingar og stórskemmtilega menningu. Niðurstaðan af öllu þessu hlýtur að vera þessi: Ferð til Tékklands er ávísun á eitthvað alveg stórkostlegt!     

Líkt og víða í Evrópu gekk mikið á í Tékklandi á síðustu öld, og landið fékk sannarlega að kenna á heimsstríðunum báðum. Í lok þeirrar seinni náðu kommúnistar völdum og héldu þeim í rúm 40 ár, allt til ársins 1989 þegar tékkneska þjóðin reis upp með sinni friðsömu Flauelsbyltingu og átti með henni stóran þátt í þeirri miklu hreyfingu sem felldi kommúnísk ríki Austur-Evrópu hvert á fætur öðru, og við tók tími frelsis og uppbyggingar.  Reyndar eru margir Tékkar lítt hrifnir af því að vera stöðugt nefndir með öðrum austurevrópskum ríkjum, og hafa sitthvað til síns máls. Tékkland er nefnilega staðsett eins mikið í miðri álfunni og hægt er.

Ekki bara Prag

Algengt er að ferðafólk láti sér nægja að heimsækja hina dásamlegu höfuðborg Prag, og svo sem ekkert nema gott um það að segja, þar er aldeilis nóg við að vera. En Tékkland býður upp á svo margt fleira að sjá og skoða. Þar eru til að mynda 4 þjóðgarðar, sem hver um sig veita aðgang að einstakri náttúrufegurð. Þetta eru Krkonoše National Park, Šumava National Park, Bavarian Forest National Park og Podyjí National Park. Tékkar elska góðar gönguleiðir og nánast alls staðar í sveitum landsins er að finna skipulagða og vel merkta göngustíga.

Hið svokallaða Macocha Abyss, nálægt borginni Brno er  gríðarmikið jarðsig, þar sem finna má stórt hellakerfi og neðanjarðarfljót. Óvenjulegar bergmyndanir og risahella eins og þessa má finna víða um landið.

Ef áhugi er á gömlum byggingum þá skipta sögulegir kastalar og hallir fyrri alda hundruðum. Og það þarf ekki að fara langt, til dæmis má nefna Karlštejn kastalann sem staðsettur er við bakka Vltava árinnar, rétt fyrir utan Prag, og laðar að sér forvitna ferðamenn með sínum stórbrotna gotneska arkitektúr.

Fyrir þau sem vilja kynna sér aðrar borgir og þéttbýli, má af handahófi nefna Telč, sem er fullkomlega varðveittur bær frá endurreisnartímanum, umkringdur sérlega fallegum stöðuvötnum. Korlovy Vary er sömuleiðis staður með fornan uppruna og vinsæll heilsulindarbær, Kutná Hora er miðaldarbær og á lista Heimsminjaskrár UNESCO og Pilsen (Plzeň) er heimaborg Pilsner Urquell bjórsins vinsæla.

Matur er manns og konu gaman

Hefðbundinn tékkneskur matur er mjög girnilegur, en nokkuð þungur. Þetta eru matarmiklar súpur, kjötmeti og súrkál, og hin saðsamasta máltíð. Með tímanum hefur léttari matargerð þó rutt sér til rúms og yngri kynslóðir velja miklu frekar meira af grænmeti og leggja áherslu á hollari fæðu. Það breytir þó ekki þeirri staðreynd að fátt fer betur með frábærum tékkenskum bjór en hinir gömlu hefðbundnu réttir; kröftug súpa, svínakjöt, önd eða gæs, matreitt upp á gamla mátann.

Það er sagt að Tékkar ranghvolfi augum þegar þeir heyra Þjóðverja og Belga státa sig af bjórunum sínum, því Tékkum finnst sinn bjór bestur af öllum. Reyndar sýna kannanir að tékkneska þjóðin drekkur mest af bjór í heiminum öllum, eða um 160 lítra á mann á ári! Hvað sem öllum samanburði eins og þessum líður, getum við fyllilega mælt með að fara á notalega tékkneska krá í kvöldmat og bjór. Þar er tímanum sannarlega vel varið.

Hótelin okkar

• add Radisson Blu Hotel Prague 5*

  Radisson Blu Hotel Prague 5*

  Radisson Blu Hotel Prague er staðsett á milli gamla bæjarins í Prag og nýja bæjarins, 300 metrum frá Wenceslas-torginu og í 2 mínútna göngufjarlægð frá Karlovo namesti-neðanjarðarlestarstöðinni. Hótelið býður upp á veitingastað og líkamsræktaraðstöðu. Hótelið er í 4 samliggjandi, sögulegum byggingum. Hótelið hefur farið í gegnum mikla endurnýjun árið 2019 þar sem öll almenningssvæði, herbergi og svítur, veitingastaður, bar og fundarherbergi voru endurnýjuð að fullu.

  Hægt er að skoða heimasíðu hótels hér.

  

• add Grandior Hotel Prague 5*
  Grandior Hotel Prague er 5* hönnunarhótel sem er staðsett í miðbænum en það býður upp á veitingastað og rúmgóð herbergi með ókeypis WiFi, mjög nálægt almenningssamgöngum.

   

  Herbergin eru björt og eru með loftkælingu, klassísk húsgögn, öryggishólf, LCD-gervihnattasjónvarp, minibar, skrifborð og ókeypis te-/kaffiaðstöðu. Baðherbergið er með baðkar eða sturtu og býður upp á L’Occitane-snyrtivörur, baðsloppa, inniskó og gólfhita. Straubúnaður er einnig til staðar.

  Morgunverður er í boði á hverjum morgni. Gestir geta snætt á veitingastað hótelsins sem framreiðir alþjóðlega rétti og notið drykkjar á barnum á staðnum. Mörg kaffihús og matvöruverslanir eru í nágrenninu. Sólarhringsmóttaka er til staðar fyrir gesti.

  Hægt er að skoða heimasíðu hótels hér.

  
• add Grandium Hotel Prague 5*
  Grandium Hotel Prague er staðsett í hjarta Prag, rétt handan við hornið frá Wenceslas-torginu.

   

  Herbergin eru glæsileg og nútímaleg með ókeypis WiFi, loftkælingu og te/kaffiaðbúnaði. 

   

  Veitingastaðurinn og kaffihúsið á Grandium Hotel Prague býður upp á ljúffenga alþjóðlega sem og tékkneska matargerð. Gestir geta notið máltíða í glæsilega borðsalnum eða úti í sumargarðinum þegar veðrið er gott.

   

  Grandium Hotel Prague býður upp á móttöku sem opin er allan sólarhringinn.

  Hægt er að skoða heimasíðu hótels hér.

  
• add The Julius 5*
  The Julius Prague er frábærlega staðsett í miðbæ Prag og býður upp á loftkæld herbergi, heilsuræktarstöð, ókeypis WiFi og veitingastað. Þetta 5-stjörnu hótel býður upp á herbergisþjónustu og sólarhringsmóttöku. Einkabílastæði eru í boði á staðnum.

   

  Öll herbergin á hótelinu eru með flatskjá og öryggishólfi. Herbergin eru með kaffivél og sérbaðherbergi með sturtu og ókeypis snyrtivörum. Sum herbergin eru einnig með eldhús með uppþvottavél. Öll herbergin á The Julius Prague eru með rúmföt og handklæði.

   

  Morgunverðarhlaðborð, léttur eða enskur/írskur morgunverður er í boði á hverjum morgni á gististaðnum.

  Hægt er að skoða heimasíðu hótels hér.