Hópferð til Amsterdam
Lengd ferðar:
4 dagar / 3 nætur
Land:
Holland Gjaldmiðill:
Evra
Hin litríka, lífsglaða Amsterdama
Amsterdam er höfuðborg Hollands og stærsta menningarmiðstöð landsins. Í borginni má finna mikið af heillandi hverfum með gömlum byggingum sem tekist hefur einstaklega vel að varðveita, og litagleðin ræður ríkjum. Síkin eru áberandi hluti af staðnum og yfir þau liggja ófáar instagramvænar brýr. Tilvalið að stilla sér upp og taka eins og eina ÉG ER Í AMSTERDAM sjálfu.
Fyrr á öldum var Amsterdam lítið fiskiþorp, sem óx og stækkaði í þá mikilvægu viðskiptaborg sem hún er í dag. Nafn borgarinnar var upphaflega Amstelredamme, en því var síðar breytt í Amsterdam. Nafnið kemur frá ánni Amstel. Þarna búa ekki nema rúmlega milljón manns, og eru íbúar borgarinnar þekktir fyrir sín vinalegheit og að vera tilbúnir að veita hjálparhönd við hvað sem er! Borgin er í raun ekki ýkja stór, öll helstu kennileiti eru í göngufæri, en við mælum eindregið með því að leigja hjól og ferðast þannig um þetta dásamlega umhverfi.
Eyja hér, eyja þar…
Að sigla á síkjum Amsterdam er sannkallaður draumur. Þar flýtur þú framhjá fallegum gróðri, blómstrandi trjám og sögulegum byggingum, sem virðast einhvern veginn allar vera álíka skakkar og gestir hinna svokölluðu kaffihúsa borgarinnar (sem flest hver bjóða upp á ögn meira krassandi stöff en uppáhelling).
Skemmtileg staðreynd um Amsterdam er að borgin samanstendur í raun af fjölmörgum litlum eyjum, sem tengdar eru saman með um það bil fjögur hundruð brúm. Meðfram ánni eru óteljandi margar þröngar og sjarmerandi götur, þar sem alltaf ber eitthvað nýtt fyrir augu og þú veist aldrei hverju þú átt von á. Fallegar hönnunarbúðir með skemmtilegum hollenskum vörum, blómastandar með gullfallegum túlípönum (en ekki hvað!) í öllum regnbogans litum, eða sölumenn með gula handgerða klossa. Kannski ekki þægilegir, en ofboðslega hollenskir.
List, kettir og kattalist
Þú labbar ekki langt áður en þú rekst á næsta listaverk, hvort sem það er glæný götulist eða málverk eftir Van Gogh. Borgin er stútfull af alls kyns söfnum og listagallerýum, þau frægustu eru líklega Van Gogh safnið og Hús Önnu Frank.
Ef þú vilt svo fara á safn þar sem stemmningin er örlítið léttari, þá mælum við með Heineken safninu, eða jafnvel að þú skellir þér á KattenKabinet sem er, ótrúlegt en satt, listasafn sem sérhæfir sig í kattalist (þ.e. myndir af köttum en ekki myndir eftir ketti).
Segðu oooostur
Geitaostur, hollenskur lakkrís og baunasúpa. Þetta (og margt fleira) þarftu að smakka í Amsterdam! Ostaframleiðsla er stór bransi í Hollandi, og eiginlega nauðsynlegt að heimsækja minnst eina af hinum fjölmörgu ostabúðum sem finna má í borginni. Þú getur einnig heimsótt sjálft ostasafnið, Amsterdam Cheese Museum, þar sem þú lærir allt sem þú þarft að vita um osta og getur jafnframt skellt þér í ostasmökkun.
Hápunktar ferðar
-
favoriteSpennandi saga
-
favoriteList og menning
-
favoriteFallegar byggingar
-
favoriteOsturinn!
Innifalið í verði
- Flug fram og tilbaka með
- Þriggja nátta gisting með morgunverði
- Rúta til og frá hóteli
- 20kg innritaður farangur
Ekki innifalið
- Áhyggjur yfir bjórverðinu – það er fáránlega lágt!
- Kaffi og ,,Kaffi“
- Vinstra eyra Van Goghs
Frítt skemmtiatriði með í ferðina!🎉
Hópar sem telja 75 og fleiri og eru með skipulagt árshátíðarkvöld á vegum Tripical geta valið sér skemmtikraft hér af síðunni frítt og hann fylgir með í árshátíðarferðina. Einnig er hægt að velja ljósmyndara í stað skemmtikrafts sem tekur myndir og myndbönd alla ferðina og skilar af sér fyrir hópinn að ferð lokinni.
Skoða frítt skemmtiatriði!
Umsagnir fyrri hópa
Við hjá Tripical leggjum okkur mikið fram við að gera ferðina þína sem eftirminnilegasta!
Við erum afar stolt og ánægð yfir þeim frábæru umsögnum sem viðskiptavinir hafa gefið okkur:
Umsagnir fyrri hópa Tripical
Holland
Holland, af sumum þjóðum kallað Niðurlönd, er fallegur og skemmtilegur áningastaður í norðanverðri Evrópu. Það er helst þekkt fyrir fallegt landslag, túlípanana sína og sólblómin, en einnig á landið sér langa og mikla sögu, sem fornar byggingar bera glöggt vitni um. Í dag er Holland frjálslynt fjölmenningarlegt þjóðfélag, og heimsókn þangað er bæði áhugaverð og skemmtileg upplifun.
Almennar upplýsingar:
- Fjöldi fólks: 17,635,641
- Stærð að flatamáli: 41.850 km²
- Opinbert tungumál: Hollenska
- Gjaldmiðill: Evra
- Hitastig: Sumar 15°- 22° / Vetur 0°– 6°
- Tímabelti: 1 tíma á undan
Holland er að stórum hluta sléttlendi, og verulegur hluti þess liggur undir sjávarmáli. Vindmyllur eru eitthvað sem margir tengja við landið, enda má sjá þær all víða og flestar eru þær notaðar til að dæla vatni úr því mikla votlendi sem Holland er. Önnur vel þekkt hollensk táknmynd eru túlípanarnir, en landsmenn hafa í aldaraðir haft mikla ást á þeim fallegu blómum. Í dag eru Keukenhof garðarnir (stundum nefndir Gardens of Europe) einn helsti vitnisburður um áhuga Hollendinga á túlípönum og annarri blómarækt. Garðarnir eru staðsettir nærri bænum Lisse, í um 35 km fjarlægð frá Amsterdam, og þykja með fallegustu skrúðgörðum Evrópu.
Holland hefur vakið eftirtekt umheimsins fyrir umburðarlyndi sitt og frjálslynda stefnu í ýmsum málum. Þannig var það fyrsta landið í heiminum til að lögleiða hjónabönd samkynhneigðra árið 2001, og aðferðir yfirvalda í afglæpavæðingu eiturlyfja, vændis og líknardrápa hefur vakið alþjóðlega athygli. Höfuðborgin Amsterdam er oft í fararbroddi hinnar framsæknu stefnu, sem hefur gert hana að spennandi áfangastað fyrir ferðamenn sem leita að einstakri og öðruvísi upplifun.
Hjólreiðar eru órjúfanlegur hluti af hollenskri menningu og þær eru vinsæll ferðamáti bæði hjá heimafólki og gestum. Borgir og bæir og innviðir allir eru mjög hjólavænir, og landið státar af víðfeðmu neti hjólastíga. Það má því alveg mæla með hjólaflakki um landið, sem veitir öðruvísi upplifun og einstaka sýn á fegurð Hollands og sjarma.
Hótelin okkar
-
add Mövenpick Hotel Amsterdam City Centre 4*Mövenpick Hotel er staðsett í miðborg Amsterdam við enda IJ-fljótsins sem býður upp á glæsilegt útsýni. Það er einnig staðsett á móti Muziekgebouw Bimhuis-sporvagnastöðinni. Þetta lúxushótel státar af vellíðunaraðstöðu og líkamsræktarstöð.Herbergin eru hljóðeinangruð með loftkælingu og útsýni yfir fljótið og miðborgina. Hvert herbergi er með ókeypis Wi-Fi aðgangi, minibar, gervihnattasjónvarpi, te- og kaffi aðstöðu.Silk Road-veitingastaðurinn framreiðir alþjóðlegan matseðil með einstökum réttum og grilluðum sérréttum. Silk Bar-barinn býður upp á máltíðir og fjölbreyttan drykkjarseðil með kokkteilum.Heilsulindin býður upp á líkamsræktaraðstöðu og slökunarsvæði. Gestir hafa aðgang að líkamsræktaraðstöðinni, eimbaði, lífrænu eimbaði og einstakri sturtuaðstöðu sér að kostnaðarlausu.Mövenpick Hotel er staðsett aðeins einu sporvagnastoppi frá aðaljárnbrautarstöðinni í Amsterdam en þaðan fara sporvagnar, strætisvagnar og neðanjarðarlestir um alla borgina. NEMO-vísindasafnið er í rúmlega 15 mínútna göngufjarlægð.Sjáðu meira um hótelið hér.
-
add Radisson Blu Hotel, Amsterdam City Center 4*Radisson Blu Hotel er staðsett í rólegum hluta miðbæjar Amsterdam, í aðeins 7 mínútna göngufjarlægð frá hinu líflega Dam-torgi.Rúmgóðu herbergin eru innréttuð eftir litríkum þemum, þar á meðal gullöldinni og náttúrulega flottum. Öll eru með ókeypis Wi-Fi Interneti og setusvæði með LCD-sjónvarpi.Waterlooplein og Kalverstraat-verslunargatan eru í innan við 10 mínútna göngufjarlægð frá Radisson Blu. Spui-sporvagnastoppið býður upp á 6 sporvagnalínur til ýmissa hluta Amsterdam, þar á meðal mikilvæg viðskiptahverfi eins og Amsterdam RAI og World Trade Centre.Veitingastaðurinn framreiðir alþjóðlegar mat og flott morgunverðarhlaðborð. Það er líka bar og ýmsir veitingastaðir eru í innan við 5 mínútna göngufjarlægð.Sjáðu meira um hótelið hér.
