Hausttilboð fyrir hópa til Haag 17.-20.október & 24.-27.október 2024

Lengd ferðar:

4 dagar / 3 nætur

Verðin má sjá undir “Dæmi um hótel” flipanum hér að ofan. Fáðu tilboð í þinn hóp með að hafa samband við sölumenn Tripical í fyrirspurnarformi hér til hliðar eða í hallo@tripical.is

Hér höfum við hrífandi borg, skreytta gömlum og heillandi hverfum, stórbrotnum byggingum og fjölskrúðugum almenningsgörðum. Þetta er staður sem blómstrar af líflegri menningu, skemmtun og gleði. Hollenska þingið hefur hér aðsetur, sem og Hollandskonungur, Willem-Alexander. Haag er líka þekkt sem dómstólaborg heimsins, þar eru starfræktir Alþjóðadómstóll Sameinuðu þjóðanna (ICJ), Alþjóða glæpadómstóllinn (ICC), ásamt fjölda annarra alþjóðlegra stofnanna. Haag er þriðja stærsta borg Hollands og þar búa um 500.000 manns, en 700.000 sé héraðið allt tekið með. Ferðamannaiðnaðurinn hefur sótt mikið í sig veðrið síðustu ár, og sífellt fleiri leggja leið sína þangað, enda býr borgin yfir miklum þokka og fegurð.

Haag er í ýmsu ólík stóru systur sinni Amsterdam, sem og öðrum hollenskum borgum. Hún er af mörgum talin sú virðulegasta í landinu. Í stað hinna dæmigerðu endurreisnarhúsa frá 17. öld sem algeng eru í landinu, standa þar 18. aldar stórhýsi í barrok- og klassískum stíl. Í hjarta borgarinnar má finna mikið af sögulegum byggingum frá miðöldum og endurreisnartímanum. Rétt fyrir utan miðbæinn eru svo gríðarlega falleg hverfi í art nouveau stíl. Alls staðar eru svo hugguleg kaffihús og veitingastaðir, breiðar verslunargötur og síðast en ekki síst, gyllt sandströndin að Norðursjó.

Af nægu er að taka í afþreyingu fyrir forvitna og gleðiþyrsta gesti. Elsta gata borgarinnar er Molenstraat, og hana er gaman að ganga og skoða. Til að fá gott útsýni yfir borgina má til dæmis nefna parísarhjólið The Pier Skyview. Einnig má gera sér glaðan dag á Scheweningen ströndinni, hvort sem er í sandi og sjó, eða á hinum fjölmörgu kaffihúsum og veitingastöðum í grenndinni. Bjórinn í borginni er auðvitað fyrsta flokks, við mælum með heimsókn í Kloosterbrouwerij Haagsche Broeder, sem er bjórbruggunarstöð staðsett í munkaklaustri.

Þú getur farið í hressandi spíttbátareisu fyrir utan ströndina, leigt þér hjól og skoðað borgina, farið á einn af stærstu útimörkuðum Evrópu, De Haagse Markt, litið inn á söfn, skoðað gamlar glæsilegar byggingar, og fleira og fleira. Góða skemmtun og gangi þér allt í Haag!

Hápunktar ferðar

Fallegar byggingar
Æðislegur miðbær
Hávaxnir Hollendingar
Góður matur

Innifalið í verði

Flug fram og til baka með Play
Rútur til og frá flugvelli og á áfangastaði
3 nætur á 4-5* hóteli með morgunverði
20 kg innritaður farangur og 8 kg í handfarangur
Fararstjórn fyrir hópa stærri en 30 manns

Ekki innifalið

Hádegis- eða kvöldverður

Frítt skemmtiatriði með í ferðina!🎉

Hópar sem telja 75 og fleiri og eru með skipulagt árshátíðarkvöld á vegum Tripical geta valið sér skemmtikraft hér af síðunni frítt og hann fylgir með í árshátíðarferðina. Einnig er hægt að velja ljósmyndara í stað skemmtikrafts sem tekur myndir og myndbönd alla ferðina og skilar af sér fyrir hópinn að ferð lokinni.

Skoða frítt skemmtiatriði!

Umsagnir fyrri hópa

Við hjá Tripical leggjum okkur mikið fram við að gera ferðina þína sem eftirminnilegasta!

Við erum afar stolt og ánægð yfir þeim frábæru umsögnum sem viðskiptavinir hafa gefið okkur:

Umsagnir fyrri hópa Tripical

Holland

Holland, af sumum þjóðum kallað Niðurlönd, er fallegur og skemmtilegur áningastaður í norðanverðri Evrópu. Það er helst þekkt fyrir fallegt landslag, túlípanana sína og sólblómin, en einnig á landið sér langa og mikla sögu, sem fornar byggingar bera glöggt vitni um. Í dag er Holland frjálslynt fjölmenningarlegt þjóðfélag, og heimsókn þangað er bæði áhugaverð og skemmtileg upplifun.

Almennar upplýsingar:

Fjöldi fólks: 17,635,641
Stærð að flatamáli: 41.850 km²
Opinbert tungumál: Hollenska
Gjaldmiðill: Evra
Hitastig: Sumar 15°- 22° / Vetur 0°– 6°
Tímabelti: 1 tíma á undan

Holland er að stórum hluta sléttlendi, og verulegur hluti þess liggur undir sjávarmáli. Vindmyllur eru eitthvað sem margir tengja við landið, enda má sjá þær all víða og flestar eru þær notaðar til að dæla vatni úr því mikla votlendi sem Holland er. Önnur vel þekkt hollensk táknmynd eru túlípanarnir, en landsmenn hafa í aldaraðir haft mikla ást á þeim fallegu blómum. Í dag eru Keukenhof garðarnir (stundum nefndir Gardens of Europe) einn helsti vitnisburður um áhuga Hollendinga á túlípönum og annarri blómarækt. Garðarnir eru staðsettir nærri bænum Lisse, í um 35 km fjarlægð frá Amsterdam, og þykja með fallegustu skrúðgörðum Evrópu.

Holland hefur vakið eftirtekt umheimsins fyrir umburðarlyndi sitt og frjálslynda stefnu í ýmsum málum. Þannig var það fyrsta landið í heiminum til að lögleiða hjónabönd samkynhneigðra árið 2001, og aðferðir yfirvalda í afglæpavæðingu eiturlyfja, vændis og líknardrápa hefur vakið alþjóðlega athygli. Höfuðborgin Amsterdam er oft í fararbroddi hinnar framsæknu stefnu, sem hefur gert hana að spennandi áfangastað fyrir ferðamenn sem leita að einstakri og öðruvísi upplifun.

Hjólreiðar eru órjúfanlegur hluti af hollenskri menningu og þær eru vinsæll ferðamáti bæði hjá heimafólki og gestum. Borgir og bæir og innviðir allir eru mjög hjólavænir, og landið státar af víðfeðmu neti hjólastíga. Það má því alveg mæla með hjólaflakki um landið, sem veitir öðruvísi upplifun og einstaka sýn á fegurð Hollands og sjarma.

Dæmi um hótel

Novotel Den Haag World Forum 4 Stjörnur

Novotel Den Haag World Forum er staðsett fyrir ofan World Forum (hollensku ráðstefnumiðstöðina). Auðvelt er að komast á ströndina í Scheveningen og miðbæ Den Haag með almenningssamgöngum.

Hótelið býður upp á herbergi sem eru þægileg og búin te- og kaffiaðstöðu, minibar, sjónvarpi, síma og tengingu í gegnum mótald.Boðið er upp á takmarkað úrval af heitum réttum á barnum á milli klukkan 17:00 og 22:00. Veitingastaðurinn er eingöngu opinn fyrir morgunverð. Gegn aukagjaldi geta gesti einnig nýtt sér vellíðunaraðstöðuna á hótelinu en þar er að finna gufubað og líkamsræktaraðstöðu. Nuddmeðferðir eru einnig í boði.

De Fred, fræg verslunargata, er í innan við 10 mínútna göngufjarlægð frá hótelinu. Amsterdam Schiphol-flugvöllurinn er í aðeins 40 mínútna fjarlægð frá hótelinu.

Verð á mann m.v. 2 í herbegi frá: 119.990 kr
Verð á mann m.v. 1 í herbergi frá: 34.990 kr

Sjáðu meira um hótelið hér.
Voco The Hague, an IHG Hotel 4 Stjörnur

Voco The Hague, an IHG Hotel er með líkamsræktarstöð, garð, verönd og veitingastað í Haag. Þetta 4 stjörnu hótel býður upp á herbergisþjónustu, sólarhringsmóttöku og ókeypis WiFi. Gististaðurinn er í 600 metra fjarlægð frá miðbænum og í 2,5 km fjarlægð frá Madurodam.

Herbergin eru með flatskjá með gervihnattarásum, minibar, kaffivél, sturtu, ókeypis snyrtivörum og skrifborði. Herbergin eru með öryggishólfi og sum herbergin eru með borgarútsýni. Allar einingar eru með sérbaðherbergi, hárþurrku og rúmfötum.

Hjólreiðar eru vinsælar á svæðinu og það er reiðhjólaleiga á hótelinu.

Verð á mann m.v. 2 í herbegi frá: 129.990 kr
Verð á mann m.v. 1 í herbergi frá: 159.990 kr

Sjáðu meira um hótelið hér.
Hilton The Hague 5 Stjörnur

Hilton The Hague er staðsett í sögulega miðbænum og sendiráðshverfi Haag, aðeins augnabliki frá hágæða verslunarsvæðinu í miðbænum. Panorama Mesdag er staðsett í næsta húsi og Noordeinde-höllin er í 450 metra fjarlægð, en strönd Scheveningen er í innan við 15 mínútna fjarlægð með sporvagni eða hjóli. Ókeypis WiFi er til staðar á almenningssvæðum.

Hótelið býður upp á rúmgóð herbergi og svítur með skrifborði og flatskjásjónvarpi. Baðherbergið státar af baðkari, sturtu og ókeypis snyrtivörum.

Verð á mann m.v. 2 í herbegi frá: 139.990 kr
Verð á mann m.v. 1 í herbergi frá: 189.990 kr

Sjáðu meira um hótelið hér.