Hópferð til Berlínar
Lengd ferðar:
3 dagar / 2 nætur
Land:
Þýskaland Gjaldmiðill:
Evra
Fjölskrúðuga Berlínarborg!
Borgin þar sem allir finna eitthvað sér til hæfis. Berlín er höfuðborg Þýskalands og þar búa tæplega fjórar milljónir manna. Borgin er suðupottur af menningu og listum og endalaust margt hægt að sjá og gera, hvort sem heillar þig frekar, nútímalist sem finna má í gallerýjum um alla borg, eða gömul klassísk list. Berlín er þekkt fyrir stórbrotna sögu og gamlar byggingar ásamt því að vera mjög framalega í nútíma byggingarstíl og list. Borginni var skipti upp í austur- og vesturhluta á kaldastríðs árunum. Á nokkrum stöðum má sjá sjá leifar af Berlínarmúrnum, sem lá þvert í gegnum borgina, ásamt öðrum kennileitum sem sýna hve borgarhlutarnir voru í raun ólíkir. Berlínarborg man tímana tvenna og það er einstök upplifun að heimsækja þennan stórbrotna stað.
Í Berlín er auk þess hægt að skoða fjöldann allann af söfnum frá seinni heimsstyrjöldinni og upplifa spennuþrungna og dramatíska sögu Þjóðverja.
Hæfileg blanda af hip og kúl og klassík
Í Berlín er nokkuð skýr hverfaskipting og hefur hvert svæði sinn sjarma. Úrval kaffihúsa, kráa og veitingastaða er óvíða jafn fjölbreitt, auk þess sem hægt er að finna ansi marga mjög sérstaka veitingastaði sem gera “út að borða” upplifunina ferska og óvenjulega. Þannig var Berlínarborg einna fyrst til að bjóða upp á veitingastaði í algjöru myrkri, þú getur farið á veitingastað þar sem grænmetið á diskinn vex inni á staðnum, eða skellt þér á einn fínan ítalskan sem er staðsettur í þv0ttahúsi. Þá geta þeir sem fíla gott kebab glaðst því þú færð hvergi betra kebab en hér!
Alltaf eitthvað
Eins og áður sagði er fjölbreytileikinn mikill í þessari stórbrotnu menningarborg og afar auðvelt að finna þar alls kyns afþreyingu. Hér má til dæmis finna vinsælasta dýragarð Evrópu. Áður eru nefnd hin óteljandi gallerý og fornar byggingar. Næturlífið er einstaklega fjölkrúðugt og skemmtilegt, og stendur alveg þar til sól rís á ný. Og mannlífið á götum borgarinnar er engu líkt.
Alþjóðlegasta borg Þýskalands
Eftir að Þjóðverjar slökuðu á innflytjendalögum flutti talsverður fólksfjöldi til borgarinnar. Nú búa þar um hálf milljón innflytjenda í því sem kallað hefur verið alþjóðlegasta borg Þýskalands. Þrátt fyrir þetta fjölþjóðlega menningarsamfélag er háþýska aðal tungumálið sem talað er. Sehr gut, ja!
Hápunktar ferðar
-
favoriteSpennandi saga
-
favoriteFjölbreytt umhverfi
-
favoriteFrábær matur
-
favoriteSkemmtileg menning
Innifalið í verði
- Flug fram og til baka
- 2 nætur á hóteli í miðbæ Berlín
- Rúta til og frá hóteli
- 20kg innritaður farangur
- Morgunmatur
Ekki innifalið
- Áhyggjur yfir bjórverðinu – enda er það fáránlega lágt
Frítt skemmtiatriði með í ferðina!🎉
Hópar sem telja 75 og fleiri og eru með skipulagt árshátíðarkvöld á vegum Tripical geta valið sér skemmtikraft hér af síðunni frítt og hann fylgir með í árshátíðarferðina. Einnig er hægt að velja ljósmyndara í stað skemmtikrafts sem tekur myndir og myndbönd alla ferðina og skilar af sér fyrir hópinn að ferð lokinni.
Skoða frítt skemmtiatriði!
Umsagnir fyrri hópa
Við hjá Tripical leggjum okkur mikið fram við að gera ferðina þína sem eftirminnilegasta!
Við erum afar stolt og ánægð yfir þeim frábæru umsögnum sem viðskiptavinir hafa gefið okkur:
Umsagnir fyrri hópa Tripical
Þýskaland
Almennar upplýsingar
- Fjöldi fólks: 83.166.711
- Stærð að flatamáli: 357.022 km²
- Opinbert Tungumál: Þýska
- Gjaldmiðill: Evra
- Hitastig: 5°-30°
- Tímabelti: 1-2 tímum á undan Íslandi
Þýskaland stendur stórt og víðfeðmt í Evrópu miðri, miðpuntur álfunnar sem teygir sig þaðan í allar áttir með sínum stærri og smærri ríkjum. Staðsetningin hefur ugglaust mikið að segja um mikilvægi landsins, bæði innan álfunnar og á alþjóðlegum vettvangi. Þýskaland er áhrifaríkt stórveldi.
Um atgöngu Þjóðverja í styrjöldum síðustu aldar og þær óhugnanlegu afleiðingar sem af því hlutust, þarf ekki að fjölyrða hér. Sagan geymir staðreyndir sem aldrei mega gleymast. Sama er að segja um skiptingu landsins í austur og vestur eftir seinna stríð, þær rótæku breytingar mótuðu þjóðina mikið allt til ársins 1989 þegar Berlínarmúrinn féll, og enn má finna ríkan keim af þeim víða um landið. Þjóðverjar hafa gengið í gegnum nauðsynlega og síendurtekna sjálfskoðun og Þýskaland nútímans er friðsamt og blómstrandi velferðarríki sem býr yfir gríðarlegri fegurð í borgum, skógum og sveit. Möguleikar fyrir forvitna ferðalanga eru óteljandi!
Vegna stærðar sinnar og staðsetningar býr Þýskaland yfir mjög fjölbreyttu landslagi og náttúru. Í norðurhlutanum, með strandlengju að Norðursjó og Eystrasalti, finnurðu svalara loftslag, þar er flatlendi talsvert og gróðurfar nokkuð lágstemmdara en syðra. Þar má finna áhugaverða staði, jafnvel falda fjársjóði, eins og hinar mjög svo fallegu Frísísku eyjar (The Frisian Islands) með sína hvítu sanda og fögru byggingar, en þær eru aðallega heimsóttar af Þjóðverjum sjálfum. Stærsta borg Norður-Þýskalands er hafnarborgin Hamburg, næst stærsta borg landsins, sem býður upp á alls kyns áhugaverða og skemmtilega afþreyingu, fornar glæsibyggingar og flottar krár, veitinga- og skemmtistaði.
Mið-Þýskaland er skemmtileg blanda af tignarlegum fjallshlíðum, grösugum engjum og þéttvöxnum skógum sem tengja saman stórborgir og minni bæi. Hér eru margir vinsælir áfangastaðir sem vert er að skoða. Fyrir náttúruunnendur má sem dæmi nefna Svartaskóg, Þjóðgarðinn í Harz og Rínardalinn sem er eitt mikilvægasta ávaxta- og vínræktarsvæði landsins. Þá er hér líka að finna helstu stórborgir landsins, eins og fjármála-stórborgina Frankfurt (sem heitir fullu nafni Frankfurt am Main og af gárungum stundum kölluð “Mainhattan”). Dusseldorf, Köln, Bonn, Leipzig tilheyra allar þessum landshluta og þar austast, nærri landamærum Póllands, stendur borgin sem margir vilja meina að sé sú skemmtilegasta í Evrópu allri, sjálf Berlín.
Í suður-hlutanum er hálendið mest. Á landamærunum við Austurríki gægjast Alparnir inn í landið, lítill en afar fallegur hluti þeirra tilheyra Þýskalandi. Þarna er Bæjaraland, heimsþekkt fyrir bjórmenningu og ekki síður sjálfan einkennisbúning allra alvöru bjórhátíða, þ.e. Lederhosen og kjólana sem kallast því óþjála nafni Dirndl. Rétt er að nefna eina stórborg í viðbót. Í Suður-Þýskalandi er nefnilega höfuðborg Bæjaralands, Munchen. Fjölbreytt og ótrúlega skemmtileg, og hún er að sjálfsögðu sjálf Octoberfest borgin!
Við stiklum hér að sjálfsögðu á stóru, því eins og fram hefur komið er Þýskaland stóóóórt og svo sannarlega af mörgu að taka.
Hótelin Okkar
-
add Park Inn Berlin Alexanderplatz 4 Stjörnur
Park Inn Berlin Alexanderplatz ****
Frábært hótel á besta stað, við Alexander Platz. 3 veitingastaðir. Líkamsræktarstöð, sauna, nuddstofa. Frítt net. Og staðsetningin frábær, stutt í alla ferðamöguleika, hvort sem þú vilt nota strætó, trammið eða neðanjarðarlestirnar.
Sjáðu meira um hótelið hér.
-
add Crowne Plaza Berlin - Potsdamer Platz 4 Stjörnur
Crowne Plaza Berlin – Potsdamer Platz ****
Einstaklega glæsilegt hótel, aðeins í 10 mínútna göngufjarlægð frá Potsdamer Platz. Mjög vinsælt fyrir hópa hvers konar sem ferðast saman.
Sjáðu meira um hótelið hér.
-
add Wyndham Garden Mitte 4 Stjörnur
Wyndham Garden Mitte ****
Rótgróið snyrtilegt 4 stjörnu hótel í hinu sívinsæla Mitte hverfi. Björt og rúmgóð herbergi. Þekkt fyrir afar góða þjónustu. Stutt í fjölbreytt veitingahúsa- og krárhverfi.
Sjáðu meira um hótelið hér.
