Skólaheimsókn til Vínar!

Tónlistarborgin Vín með tilkomumiklum keisarahöllum, hallargörðum og heimsfrægum söfnum. Stórfenglegar byggingar og ómetanleg tónlistararfleið gömlu meistaranna Mozart, Beethoven og Schubert. Vín er lifandi nútímaborg og býður upp á einstaka menningu og matarupplifun. 

Tripical býður kennurum og öðru starfsfólki skóla upp á fræðandi og skemmtilega kennaraferð og skólaheimsókn til tónlistarborgarinnar Vínar. Þar munum við kynnast frábrugðnu skólakerfi í glæsilegu umhverfi og fræðast um áhugaverða sögu og menningu ásamt góðum skammti af skemmtun. Í skólaheimsóknum okkar leggjum við alltaf áherslu á að heimsækja áhugaverða skóla sem eru leiðandi í kennslu, hver á sínu sviði.

Við bjóðum upp á margar fræðandi kynnisferðir um borgina og merka staði og erum alltaf tilbúin til að skipuleggja skemmtilega viðbótardagskrá og kynnisferðir eftir séróskum hvers hóps. Við hjá Tripical viljum einnig að makar séu velkomnir með í kennaraferðir okkar og því bjóðum við mökum alltaf upp á sérstaka skemmtidagskrá meðan á skólaheimsóknum stendur svo allir geti notið ferðarinnar sem mest.

Sögufræg menningarborg

Fáar borgir brúa bil fortíðar og samtíðar jafn vel og heimsborgin Vín. Með sögufrægri umgjörð sinni og keisaralegri arfleið, þá er Vín lifandi nútímaborg með einstaka menningu. Fyrrum höfuðborg hinna valdamiklu keisara Habsborgaraættar sem byggðu hana upp af mikilfengleika og studdu við listir og tónlistarsköpun sér og keisaraveldi sínu til dýrðar.

Tilkomumiklar keisarahallir

Arfleið Habsborgarættarinnar er allsráðandi í glæstum byggingum og hinum fjölmörgu höllum Vínar. Hofburg höllin var aðsetur keisaraættarinnar í meir en sex aldir með hinum víðfræga spænska knapaskóla þar sem sérþjálfaðir hestar og knapar sýna enn listir sínar. Fjöldi safna og glæstra híbýla keisaraættarinnar er hægt að skoða í Hofburg höllinni og þar er einnig að finna hina keisaralegu kapellu þar sem drengjakór Vínar syngur í sunnudagsmessum.

Tónlistarborgin Vín

Vín er þekkt sem borg tónlistarinnar með sína einstöku tónlistararfleið. Í Vín er mikill fjöldi tónleikahalla þar sem hægt er að njóta einstakrar tónlistarupplifunar eins og hins víðþekkta Musikverein sem er aðsetur Fílharmóníusveitar Vínar og hins stórglæsilega óperuhúss í Vín.

Einstök matarupplifun

Íbúar Vínar eru þekktir fyrir að njóta gæða lífsins og leggja mikið upp úr góðum mat og drykk. Í borginni er lifandi kaffihúsamenning þar sem úrval gómsætra eftirrétta er á boðstólnum. Fjöldi vínbara framreiða hágæða austurrísk vín og gnæð er af fjölbreyttum veitingastöðum sem bjóða upp á allt frá gamalreyndum þjóðarréttum til framúrstefnulegs tilraunaeldhúss.