Skelltu þér í safaríka ferð um Dalmatíuströnd og kynnstu vínmenningu Króatíu, ásamt ótrúlegu landslagi og glaðværum íbúum landsins. Vínhefð í Krótíu nær langt aftur í aldir og eru vínin þar í háum gæðaflokki. Þú færð tækifæri til þess að kynnast Dalmatíu í allri sinni dýrð, og fá smakk af því besta sem svæðið hefur upp á að bjóða. Aðalinnblástur ferðarinnar er gæðavínið Zinfandel, sem er hátt metið um allan heim. Stígðu dans með lókalnum í Króatíu, lærðu um sögu svæðins eða sestu bara niður og njóttu útsýnisins meðan þú bíður eftir næsta glasi.
Ferðin hefst í hafnarborginni Split, þar sem Crljenjak vínin verða í forgrunni. Þaðan er siglt til sólríkasta svæðis Króatíu, eyjarinnar Hvar, þar sem ferðalangar fá að kynnast Plavac Mali. Því næst er siglt til Brač (með viðkomu í Split), stærstu eyju Dalmatíu, en þar er Bolski Plavac vínið hvað þekktast. Til þess að klára Dalmatíu ævintýrið er ferðinni slúttað með heimsókn til fjallaþorpsins Ethno Klis, þar sem hópurinn lærir um matarvenjur Dalmatíu með stuttu matreiðslunámskeiði.
Adríahafið í kringum Króatíu er það tærasta í allri Evrópu. Það sem gerir það svona tært er mikið saltmagn sjávarins. Króatía einkennist af háum hlíðum, grænum skógum, tærum vötnum, steinaströndum og fallega tærbláa hafinu sem liggur með ströndum þess. Landið er ílangt og liggur beint til móts við Ítalíu, svo stór hluti þess er við sjó. Dalmatíuströndin er stærsta strandsvæði landsins.
Í mörg ár hefur Króatía verið vinsæll áfangastaður ferðamanna en undafarinn áratug hefur þar staðið yfir mikil uppbygging eftir Júgóslavíustríðið sem setti sitt mark á landið, og hefur vöxtur ferðamannaiðnaðarins verið gríðarmikill síðan þá.
Króatía býr yfir voldugri sögu, gríðarlegri náttúrufegurð og býður upp á fjölbreytta staði fyrir forvitna heimshornaflakkara. Í landinu miðju höfum við Plitvice þjóðgarðinn, sem helst minnir á landslag Pandoru úr kvikmyndinni Avatar. Á strandlengju Dalmatiu héraðs finnurðu bæði stórbrotin klettabjörg og seiðandi gylltar sólarstrendur, ásamt hinum ævarforna og tignarlega borgargimstein Dubrovnik.
Á hinum endanum, með landamæri að Slóveníu og í nálægð við Ítalíu, er svo hinn heillandi Istria skagi, svæði sem tilheyrði reyndar Ítalíu um nokkurra áratuga skeið, frá lokum fyrri heimsstyrjaldar til loka þeirrar seinni (1918-1945) og þau tengsl nokkuð greinileg bæði í byggingarstíl og stemmingu. Þá er Adríahafið meðfram Króatíu talið tærasta haf Evrópu, enda mjög vinsælt til köfunar. Þar er að finna yfir þúsund misstórar eyjar sem draga að sér fjölda ferðamanna á hverju ári.
Hér er fátt eitt nefnt úr þeirri miklu flóru spennandi áfangastaða sem þetta fagra land býður uppá. Við hjá Tripical einfaldlega elskum Króatíu og erum viss um að þú munt gera það líka.
Almennar upplýsingar
Eyjan Hvar er einn vinsælasti áfangastaður landsins og ekki að undra, hún er ofboðslega skemmtileg og státar af því að vera sólríkasti staður Króatíu. Á Hvar finnurðu alls konar mannlíf og gesti á öllum aldri, fjölskyldur stórar og smáar, ungt fólk í leit að skemmtilegu næturlífi og stundum líka súperstjörnur úr Hollywood. Eyjan er þekkt fyrir mikla veðursæld, gómsæta matargerð og einstaka náttúrufegurð. Sjávargolan sem blæs yfir bæinn þykir mjög endurnærandi og orkumikil, svo mikið að fyrr á árum voru starfræktar á eyjunni heilsulindir fyrir einstaklinga með öndunarerfiðleika, þar sem hægt var að fara í sérstaka „öndunarhreinsun“.
Nálægt eyjunni er svo að finna næststærstu borg Króatíu, Split. Þetta er afar ferðamannavæn borg, ofboðslega fallegur staður sem býður upp á mjög líflegt og spennandi næturlíf. Þar er margt hægt að gera sér til afþreyingar, og við mælum hiklaust með skoðunarferð um rómversku rústirnar sem borgin er byggð í kringum.
Í tveggja klukkustunda fjarlægð suður af Split er Dubrovnik, lítill 40.000 manna bær á syðsta punkti Króatíu. Gamli bærinn í Dubrovnik á sér langa sögu, en hann er umkringdur borgarveggjum sem áttu að verja hann á stríðstímum fyrr á árum en Dubrovnik var sjálfstætt ríki áður en bærinn varð partur af Króatíu. Bærinn á það sameiginlegt með Íslandi að Game of Thrones hafa tekið upp þáttaseríur sínar þar, en fyrir þá sem til þekkja eru allar senur sem gerast í suðrinu teknar þar.
Á hinum enda strandlengjunnar, nálægt Ítalíu og með landamæri að Slóveníu, liggur Istria skaginn, sem frá árunum 1918-1945 var hluti af Ítalíu, varð síðan partur af kommúnistaríkinu Júgóslavíu en tilheyrir í dag Króatíu. Þar má finna aragrúa lítilla smábæja, bæði við sjávarsíðuna og upp með fjallshlíðum. Þetta eru gömul, rótgróin og einstaklega sjarmerandi þorp, byggingastíllinn er öðruvísi en fyrir sunnan, húsin litrík, og svipa mjög til smábæja á Ítalíu. Hér úir og grúir af sjávarréttastöðum sem bjóða upp á ferskt sjávarfang. Fjölda markaða er að finna á svæðinu og ólívur, trufflur, olíur og ýmis konar ávextir eru fáanlegir út um allt. Neðst á skaganum er bærinn Pula en þar má finna risastórt rómverskt hringleikahús. Við mælum einnig með heimsókn í hinn heillandi bæ Rovinj og skoðunarferð í Basilikkuna í bænum Poreč.
Opatija er einstaklega fallegur bær á Istria skaganum, umkringdur fallegum lárviðarskógi við strendur Adríahafsins og um 18 km frá Rijeka, sem er ein af stærri borgum Króatíu. Staðurinn er þekktur fyrir milt Miðjarðarhafsloftslag og sínar sögulegu byggingar og vinsæll bæði sem sumar- og vetrardvalarstaður, með meðalhita upp á 10 °C á veturna og 32 °C á sumrin.
Opatija á rætur sínar að rekja til klausturs heilags Jakobs sem þar stóð og bærinn óx út frá, en nafnið Opatija þýðir einmitt ,,klaustur“. Dagur Heilags Jakobs, sem er verndardýrlingur ferðalanga (og einnig verndari sútunar og ávaxtaræktenda), er haldinn hátíðlegur á hverju ári 25. júlí, og er um leið almennur hátíðisdagur bæjarins.
Á fyrri tímum var Opatija hluti af feneyska lýðveldinu og í framhaldinu lengi vel eign auðugra austurrísk-ungverskra fjölskyldna sem byggðu þennan fallega griðarstað sinn með miklum glæsileik, mikilfengleg stórhýsi frá tímum þessa ,,háklassasamfélags“ standa meðfram ströndinni og setja sterkan svip á bæinn. Hér eru fagrir garðar, tignarleg lúxushótel og umhverfi sem sómir sér vel á póstkortum, og gera Opatija að töfrandi áfangastað.
Šibenik er ein af elstu borgum Króatíu, sögulegur staður frá 11. öld, í miðju Dalmatíu-héraði, við ána Krka sem rennur í Adríahaf. Þar búa í dag um 35.000 manns. Þar er mikið um einstakar byggingar fyrri alda. Þekktust þeirra má telja Saint James dómkirkjuna, sem er á heimsminjaskrá UNESCO, en einnig má nefna miðaldaklaustur St. Laurence og afar sjaldgæfan klausturgarð þar við frá 15. öld, og virki heilags Mikaels sem veitir einstakt útsýni yfir borgina og hafið fyrir utan.
Í hinu heiftúðuga sjálfstæðisstríði Króata (1991–95) varð Šibenik fyrir harðri árás frá jógóslavneska þjóðarhernum og serbneskum hersveitum. Þrátt fyrir að vera undirvopnaðir, tókst króatíska hernum og íbúum Šibenik að verja borgina. Bardaginn stóð í sex daga (16.–22. september 1995), oft nefndur „septemberbardaginn“. Sprengjuárásirnar skemmdu fjölmargar byggingar og minnisvarða, þar á meðal hvelfingu Šibenik dómkirkju heilags Jakobs og leikhúsbyggingu sem var byggð árið 1870. Síðan þá hafa skemmdar byggingar borgarinnar verið endurreistar að fullu.
Í dag er Šibenik friðsæl og hrífandi borg full af sögu og sjarma, ekki síst gamli hluti bæjarins, með ævafornu kirkjum, höllum fyrrum aðalsmanna og dæmigerðu aldagömlum dalmatískum steinhúsum.
Til gamans má geta að hér var fallhlífin fundin upp á 17. öld og prófuð í fyrsta skipti af uppfinningamanni hennar Faust Vrancic. Hér er líka fæddur og uppalinn hinn frægi körfuboltamaður Dražen Petrović.
Um miðja strandlengju Króatíu er eyjan Pag. Við enda hennar er að finna bæinn Novalja, sem er á sumrin yfirfullur af ungu og skemmtanaþyrstu fólki. Bærinn einkennist af smágerðum hvítum húsum með rauðum þökum. Meðfram höfninni er mikið úrval af veitingastöðum og börum en helsta aðdráttaraflið verður þó að teljast Zrcé ströndin rétt hjá bænum. Þar er heldur rólegt um að litast á daginn, en um leið og rökkva fer færist heldur betur líf í staðinn. Zrcé ströndin er pakkfull af skemmtistöðum, börum og skyndibitastöðum, skemmtistaðirnir eru margir þaklausir svo maður fær strandarstemninguna beint í æð og fjöldi þekktra plötusnúða koma og spila þar á ári hverju.
Suðupottur króatískrar menningar er stærsta borg Dalmatíu, Split. Hún er talin vera 1700 ára gömul og íbúafjöldi þar gerir Split að næststærstu borg Króatíu. Í sögulegum kjarna Split er hin stórbrotna höll rómverska keisarans Diocletian. Þarna hefur hún staðið síðan á fjórðu öld fyrir Krist og er á Heimsminjalista Menningarmálastofnunnar Sameinuðu þjóðanna (UNESCO). Í gegnum aldirnar hefur gamli bær Split byggst bæði inn í og kringum höllina og þar má finna þrjú rómversk musteri og stærðarinnar grafhýsi. Rómverjar byggðu mikið af byggingum Splitborgar og þar má finna fornminjar sem ná aftur til 500 f.kr.
Gakktu með okkur um borgina og upplifðu með leiðsögumanni okkar suma af þeim fjölmörgu fornleifum sem þar eru, ásamt ýmsum sögufrægum og menningarlegum svæðum í Split. Finndu þinn uppáhalds veitingastað til að snæða kvöldverð, fáðu þér vínglas (eða glös), eða veldu þér króatískan kaffibolla á einum af fjölmörgum kaffihúsum við göngu- og strandgötu bæjarins: Riva.
Bol er bær á eyjunni Brač, nálægt Split. Bol er elsta byggð eyjunnar, staðsett við rætur fjallsins Vidova. Strandlengja eyjunnar þykir einstaklega falleg og þá einkum tanginn Zlatni Rat. Vestan við tangann má sjá Dragon’s Cave, þar sem útskorin kapella frá 14. öld stendur við ströndina.
Njóttu þín í sól- og sjóbaði eða kannaðu bæjarstemninguna!
Hvar er talin vera vinsælasta eyja Króatíu, og ekki erfitt að átta sig á ástæðum þess. Strandgatan iðar af mannlífi, alls kyns kaffi- og veitingahús á hverju horni, vínbúðir, markaðir og barir flæða meðfram hafnargötunni. Allt þetta umlukið dásemdar veðurblíðu, gleði og góðum straumum. Hvar er best að vera (það þarf sko ekkert spurningarmerki hér gott fólk).
Meldaðu þig í kvöldgöngu um bæinn og lærðu um sögu og menningararfleið Hvar. Komdu síðan og kynntu þér aldagamlar hefðir í lavander-ræktun um kvöldið.
Velkomin til Króatíu! Þegar þið lendið í hini sólríku Split fer bíll með ykkur beint upp á hótel. Þar fáið þið tækifæri til þess að slaka á áður en ævintýrið hefst.
Vínleiðangurinn hefst með morgunmat og ferð til Kaštela, heimili Crljenak. Sérkennilegt bragð þess á uppruna sinn langt aftur í aldir, en það er fyrirrennari hins heimsþekkta Zinfandel og ítalska Primitivo. Heimsókn á nokkra vínakra og vínkjallara, þar sem smakkað verður á nokkrum velvöldum tegundum frá mismunandi þrúgum, með mismunandi ræktunarmáta. Meðan þið sötrið úr glösum verður einnig kynning á stórmerkilegri vínsögu Dalmatíu og sérstöðu hennar.
Þessi dagur er frátekinn fyrir víntegundir eyjanna. Eftir mogunmat í Split farið þið í stutta siglinu um kristaltært Adríahafið til eyjunnar Hvar, sem er sólríkasti staður Króatíu. Þessi ægifagra eyja er heimili Plavac Mali, sem er bragðlega séð mitt á milli Zinfandel Crljenjak (sem þið smökkuðu daginn áður) og Dobričić þrúganna. Þetta vín endurspeglar sannarlega karakter Dalmatíu! Þið fáið einnig tækifæri til þess að smakka Bogdanuša og Prč, tvo önnur stórkostleg vín frá Hvar.
Vaknið á sólríkasta bletti Króatíu, og fáið ykkur djúsí morgunmat áður en þið hittið leiðsögumanninn ykkar og haldið vínævintýrinu áfram. Hvar er í raun nokkurs konar Miðjarðarhafsblanda, undir áhrifum Rómaveldis og Feneyja frá miðöldum, en eyjan var mikilvæg höfn fyrir Feneyjaveldið. Í dag er eyjan ein þekktasti sólaráfangastaður Evrópu. Seinni part dagsins er frjáls tími, þar til kvöldferjan er tekin aftur til Split.
Tilbúin í smá sögu? Prívat leiðsögn um hina fornrómversku Split. Skoðið 1700 ára gamla höll Diocletian áður en haldið aftur til fortíðar í einni best varðveittu borg Rómaveldisins. Kirkjur, musteri og markaðir bíða ykkar í borginni! Eftir smjörþefinn af Split er ferðinni heitið til Paradox, fínasta vín- og ostabars Dalmatíu, staðsettur í hjarta gamla bæjarins. Það fáið þið tækifæri til þess að smakka einhverja gómsætustu osta Dalmatíu og sötra á eðalvínum. Bon Appetit!
Annar dagur og önnur eyja við Adríahafið bíður ykkar! Brač er stærsta eyja Dalmatíu, rétt við strendur Split, svo að siglingin verður ekki löng. Þið munið taka eftir líkindum Brač og Hvar meðan þið röltið í gegnum vínekrur svæðisins. Eyjan er ekki aðeins þekkt fyrir stórar hæðir, fíkjutré og furugróður. Eyjamenn eru afar stoltir af vínmenningu sinni – en þeirra þekktasta vín er Bolski Plavac. Eftir vínsmökkunina er hádegismatur kokkaður úr lókal hráefni Dalmatíu (með víni auðvitað!). Haldið er heim til Split að kvöldi.
Til þess að fullkomna Dalmatíu-upplifunina munum við nú krydda aðeins tilveruna með heimsókn til fjallaþorpsins Klis. Þar fær hópurinn að láta reyna á kokkahæfileika sína á stuttu matreiðslunámskeiði þar sem helstu réttir Dalmatíu verða matreiddir – allt með heimagerðum hráefnum.
Á áttunda degi þessarar ferðar lýkur dagskránni og eftir morgunmat á hótelinu mun bíll fara með hópinn upp á flugvöll.
Bless og takk fyrir mig Dalmatía!