Fræðsluferð til Riga

Lengd ferðar:

5 dagar / 4 nætur

Gjaldmiðill:

Evra

Menningarborgin við Eystrasaltið!

Hér finnurðu frábæra blöndu af gömlu og nýju, hér er haf, hér eru vötn, skógar og óspillt náttúra. Í Lettlandi eru margir smærri bæir en aðeins ein raunveruleg borg, Riga, höfuðborg landsins.

Á yfirborðinu virðist Riga tiltölulega róleg borg, en ef dýpra er kafað má finna fjölbreytta bari, nútímalistasöfn og fleiri áhugaverða staði. Þá má ekki gleyma veitingastöðunum, sem eru margir hverjir á heimsmælikvarða og bjóða upp á rétti á afar sanngjörnu verði. Borgin er því tilvalinn áfangastaður fyrir hvern þann sem hefur yndi af að njóta ljúffengra veitinga í fögru umhverfi.

Böð á öðru leveli

Ríga er mikil dekurborg, þekkt meðal annars fyrir magnaðar fegurðarmeðferðir sem finna má á hinum ýmsu snyrtistofum borgarinnar. Og svo er nauðsynlegt að prófa klassískt lettneskt bað! Á meðan aðrar þjóðir taka baðmenningu sína alvarlega, kemst engin á sama stað og Lettar, sem halda fast í fornar hefðir og saunaferðir eru þeim sem heilög stund. Svo má einnig finna skemmtileg bjórböð. Lettar eru mikil bjórþjóð, en þeir láta sér ekki nægja að drekka hann sér til ánægju, þar er einnig vinsælt að baða sig upp úr honum.

Ef þú vilt aðeins komast út fyrir borgina er Riga í stuttri akstursfjarlægð frá bænum Jūrmala (49.000 íbúar), sem hefur að geyma töfrandi hvítar strendur. Ef þú ert hins vegar ekki fyrir sjó og strendur, þá má finna dásamlega óspillta bláberjaskóga rétt utan við borgarmörkin.

Menning fyrir allan peninginn

Í Lettlandi er mikið og fjölskrúðugt menningarlíf, og Lettar státa sig af því að vera nefndir mesta menningarþjóð af öllum nágrannalöndunum sínum. Því til sönnunar má finna afar fjölbreyttar hátíðir og viðburði í borginni allt árið um kring. Einnig má finna ýmis söfn um sögu lands og þjóðar en Lettar fengu sinn skerf af hörmungum í seinni heimstyrjöldinni, þegar um 14% þjóðarinnar lét lífið.

Fyrir áhugasama um arkitektúr má nefna að Ríga upplifði gullöldina sína í byggingarlist snemma á 20. öld þegar Art Nouveau stíllinn var að komast í tísku, því má finna mikið af byggingum í þeim anda í borginni.

Hápunktar ferðar

Menningin
Gamli bærinn
KGB safnið
Heimsklassa veitingastaðir á góðu verði

Innifalið í verði

Flug fram og til baka
4 nætur á hóteli miðsvæðis í Riga
20 kg innritaður farangur og handfarangur
Morgunmatur
Rútur til og frá flugvelli og áfangastöðum
Tvær skólaheimsóknir/kynnisferðir
Íslensk farastjórn

Ekki innifalið

Hádegismatur og kvöldmatur

Hótelin okkar í Riga

Wellton Riga Hotel & Spa ****

Hótel í hjarta gamla bæjarins.

Herbergi með klassískri nútímalegri hönnun og skreytt í ljósum litum. Sum herbergin bjóða upp á ókeypis aðgang að heilsulindinni, þar á meðal heitum potti, sundlaug og gufubaði.

Lettneska Óperuhúsið er nálægt, sem og háskóla Lettlands. Ekki má gleyma því að Origo verslunarmiðstöðin er í göngufjarlægð frá hótelinu.

Sjáðu meira um hótelið hér.

Lettland

Borg í risastórum garði!

Þessi lýsing á Lettlandi er ekki fjarri lagi. Höfuðborgin Riga er í raun eina borg landsins. 54% af landinu eru skóglendi með nærri 12.000 ám, 3.000 stöðuvötnum og fjölmörgum þjóðgörðum. Lettland er réttnefnd náttúruparadís, Lettar leggja mikla rækt við umhverfið og þar ríkja skýr náttúruverndarlög sem koma í veg fyrir óþarfa átroðning. Hér er víðáttan mikil, og svipað og við þekkjum hér á landi eru íbúar vanir góðu persónulegu rými. Kannski er þetta ástæðan fyrir því að þótt Lettar séu afar vinaleg og hlýleg þjóð, eru þau ekki mikið fyrir óþarfa knús og kjass. Bara pæling.

Almennar upplýsingar

Fjöldi íbúa: 1,953,200
Stærð að flatarmáli: 64,589 km2
Opinbert tungumál: Lettneska
Gjaldmiðill: Evra
Hitastig: Yfir sumar 24-34°C að meðaltali. Á veturna um 10-15°C að meðaltali
Tímabelti: 2 klukkutímum á undan Íslandi, 3 tímum yfir sumartímann

Hvítar strendur – grænir skógar

Í um 20 mínútna fjarlægð frá Ríga er afar fín strandlengja, Jūrmala, sem er tilvalinn staður fyrir góða slökun við sjóinn. Á svæðinu í kring má finna spa, nuddstofur og jafnvel drulluböð! Ströndin er skemmtileg að því leyti að við hana liggur fallegur skógur, svo auðvelt er að sameina sólböð og sandkastalasmíði, ásamt hressandi göngu milli hárra trjáa og grænna grunda. Við mælum hiklaust með þessu.

Riga

Einstök blanda af nýju og gömlu. Í Riga er mikið af grjóti, en borgin er að stóru leyti, bæði hús, götur og torg, fagurlega byggð úr grjóti. Riga hefur á sér rólegt yfirbragð, en ef kafað er ögn dýpra birtist glaðlegt mannlíf, fjörugir barir og skemmtistaðir. Ekki má heldur gleyma að í borginni eru heimsklassa veitingastaðir, þar sem hægt er að fá dýrindis rétti á mjög sanngjörnu verði. Ef þú elskar góðan mat, gerðu svo vel og borðaðu á þig gat!

Dekraðu við þig

Riga er þekkt fyrir heilsulindir sínar, sem hver um sig bjóða upp á ýmsar leiðir til að njóta afslöppunar og dekurs. Við mælum einnig með heimsókn í klassískt lettneskt baðhús. Þá má nefna að Lettar eru mikil bjórþjóð, og nýta þann eðaldrykk ekki bara til drykkju. Í Riga geturðu skellt þér í fínasta bjórbað!

Ef hugur þinn leitar út fyrir borgarmörkin Ríga, og þú ert ekki endilega stemmd/-ur fyrir hvítum ströndum Jūrmala, þá finnurðu líka, rétt fyrir utan borgina, fallegt gróðurlendi og skóga með einstöku göngusvæði.

Blómstrandi menning

Lettland er mikið menningarland. Þar eru fjölmörg söfn, auk þess sem hinar ýmsu hátíðir og listviðburðir eru á dagskrá allt árið um kring. Ríga upplifði gullöld sína snemma á 20. öld, þegar Art Nouveau arkitektúr komst í tísku, og mikið er af byggingum í þeim stíl fyrir áhugasama um arkitektúr.

Dagskrár hverrar fræðsluferðar er alltaf háð ferðadagsetningum hverju sinni og því er hér eingöngu um tillögu að dagskrá að ræða.

Dagskrá sem er innifalin í fræðsluferðum Tripical eru skólaheimsóknir/fræðsla sem passar þörfum hópsins og síðdegisganga um borgina. Að auki útbúum við eftir óskum skemmtidagskrá fyrir maka meðan á skólaheimsókn stendur.

Við bjóðum einnig upp á að skipuleggja fjölbreytta viðbótardagskrá eftir séróskum hvers skólahóps. Hvort sem það eru ferðir á söfn, viðburði, tónleika, íþróttaleiki eða sameiginlegur kvöldverður og árshátíðarskemmtun, þá erum við ávallt tilbúin til þess gera ferðina ykkar eins eftirminnilega og skemmtilega og mögulegt er.

Tillaga af dagskrá

Dagur 1
- Flogið út til Riga
- Rúta upp á hótel
- Innritun á herbergi og andleg upphitun fyrir komandi daga
- Síðdegisganga með hópnum um miðbæ Riga. Kynnast og hrista hópinn saman.
Dagur 2
- Morgunmatur á hóteli
- Skólaheimsókn
- Sérstök skemmtidagskrá fyrir maka meðan á skólaheimsókn stendur
- Frjáls tími um kvöldið
Dagur 3
- Morgunmatur á hóteli
- Skólaheimsókn eða kynnisferð
- Sérstök skemmtidagskrá fyrir maka meðan á skólaheimsókn stendur
- Sameiginlegur kvöldverður og skemmtun (Ekki innifalið).
Dagur 4
- Morgunmatur á hóteli
- Frjáls dagur en margar kynnisferðir í boði sem hægt er að skipulegga.
Dagur 5
- Morgunmatur á hóteli
- Frjáls dagur
- Rúta upp á flugvöll
- Flogið heim eftir góða ferð og ný kynni við flotta kennara í Riga.

Verð frá 149.990 kr.