Vorferð til Haag 10.-15.6.2026
Lengd ferðar:
6 dagar/5 nætur
Land:
Holland Gjaldmiðill:
Evra
Flug með Icelandair – 40 sæti
10.-15. júní 2026
Frá KEF: Kl.07:40 – 13:00
Frá Amsterdam: Kl.17:20 – 18:35
Ef þú ert með hóp sem er stærri en 9 manns skaltu hafa samband við sölumenn Tripical: hopar@tripical.is til að fá gott tilboð!
Haag
Hér höfum við hrífandi borg, skreytta gömlum og heillandi hverfum, stórbrotnum byggingum og fjölskrúðugum almenningsgörðum. Þetta er staður sem blómstrar af líflegri menningu, skemmtun og gleði. Hollenska þingið hefur hér aðsetur, sem og Hollandskonungur, Willem-Alexander. Haag er líka þekkt sem dómstólaborg heimsins, þar eru starfræktir Alþjóðadómstóll Sameinuðu þjóðanna (ICJ), Alþjóða glæpadómstóllinn (ICC), ásamt fjölda annarra alþjóðlegra stofnanna. Haag er þriðja stærsta borg Hollands og þar búa um 500.000 manns, en 700.000 sé héraðið allt tekið með. Ferðamannaiðnaðurinn hefur sótt mikið í sig veðrið síðustu ár, og sífellt fleiri leggja leið sína þangað, enda býr borgin yfir miklum þokka og fegurð.
Haag er í ýmsu ólík stóru systur sinni Amsterdam, sem og öðrum hollenskum borgum. Hún er af mörgum talin sú virðulegasta í landinu. Í stað hinna dæmigerðu endurreisnarhúsa frá 17. öld sem algeng eru í landinu, standa þar 18. aldar stórhýsi í barrok- og klassískum stíl. Í hjarta borgarinnar má finna mikið af sögulegum byggingum frá miðöldum og endurreisnartímanum. Rétt fyrir utan miðbæinn eru svo gríðarlega falleg hverfi í art nouveau stíl. Alls staðar eru svo hugguleg kaffihús og veitingastaðir, breiðar verslunargötur og síðast en ekki síst, gyllt sandströndin að Norðursjó.
Af nægu er að taka í afþreyingu fyrir forvitna og gleðiþyrsta gesti. Elsta gata borgarinnar er Molenstraat, og hana er gaman að ganga og skoða. Til að fá gott útsýni yfir borgina má til dæmis nefna parísarhjólið The Pier Skyview. Einnig má gera sér glaðan dag á Scheweningen ströndinni, hvort sem er í sandi og sjó, eða á hinum fjölmörgu kaffihúsum og veitingastöðum í grenndinni. Bjórinn í borginni er auðvitað fyrsta flokks, við mælum með heimsókn í Kloosterbrouwerij Haagsche Broeder, sem er bjórbruggunarstöð staðsett í munkaklaustri.
Þú getur farið í hressandi spíttbátareisu fyrir utan ströndina, leigt þér hjól og skoðað borgina, farið á einn af stærstu útimörkuðum Evrópu, De Haagse Markt, litið inn á söfn, skoðað gamlar glæsilegar byggingar, og fleira og fleira. Góða skemmtun og gangi þér allt í Haag!
Hápunktar ferðar
-
favoriteFallegar byggingar
-
favoriteÆðislegur miðbær
-
favoriteHávaxnir Hollendingar
-
favoriteGóður matur
Innifalið í verði
- Flug fram og til baka með Icelandair (Amsterdam)
- Flogið út kl. 7:40 og lent að staðartíma í Amsterdam kl. 13:00
- Flogið heim kl. 17:20 og lent að staðartíma í Keflavík kl. 18:35
- 5 nætur á hóteli miðsvæðis í Haag (Með morgunmat)
- 23 kg innritaður farangur
- City Tax er innifalinn í verðinu
Ekki innifalið
- Rútur úti
- Hádegismatur og kvöldmatur
- Farastjórn
- Annað sem ekki er tekið fram sem innifalið
Flug & Hótel
Ibis Den Haag City Centre 3* eða sambærilegt
Ibis Den Haag City Centre er nútímalegt og líflegt hótel sem er staðsett á besta stað í hjarta Haag.
Hótelið er fullkominn upphafspunktur fyrir þá sem vilja skoða borgina, þar sem það er í göngufæri við helstu verslunargötur, söfn og hið sögulega Binnenhof. Hér ríkir afslappað andrúmsloft þar sem áhersla er lögð á þægindi og snjallar lausnir. Með hinu dæmigerða „Sweet Bed“ frá Ibis er tryggður góður nætursvefn eftir dag fullan af ævintýrum í þessari heillandi borg.
Hótelið fær heildareinkunn 7,9 og einkunn 9,0 fyrir staðsetningu á booking.com
Verð á mann í tvíbýli með morgunverði 184.990 kr
Verð í einbýli með morgunverði 232.990 kr
Flug & Hótel
Leonardo Hotel The Hague Babylon 4* eða sambærilegt
Babylon Hotel Den Haag er 4 stjörnu hótel með útsýni yfir Haagsche Bos-garðinn, við hliðina á aðallestarstöðinni í Haag. Boðið er upp á glæsileg, hljóðeinangruð herbergi með flatskjá með kapalrásum og lúxusbaðherbergi.
Öll herbergin á Babylon Hotel Den Haag eru með ókeypis Nespresso-kaffi og teaðstöðu. Ókeypis WiFi er í boði hvarvetna.
Aðalverslunarsvæði borgarinnar er í 8 mínútna göngufjarlægð frá hótelinu. Scheveningen og ströndin eru í 15 mínútna fjarlægð með sporvagni frá Den Haag Central. Mauritshuis-safnið er í 10 mínútna göngufjarlægð. Að auki býður hótelið upp á beinan aðgang að New Babylon-verslunarmiðstöðinni. Gestir geta nýtt sér líkamsræktarstöð í nágrenninu.
Hótelið býður upp á morgunverðarhlaðborð. Veitingastaðurinn TheLivingRoom býður upp á úrval af veitingum, þar á meðal léttar veitingar og 3 rétta sælkerakvöldverði. Notast er við ferskar afurðir frá svæðinu. Kokkteilar og vín eru í boði á glæsilega barnum og gestir geta einnig slakað á með dagblað í setustofunni á Babylon Hotel Den Haag.
Hótelið fær heildareinkunn 8,2 og einkunn 9,2 fyrir staðsetningu á booking.com
Verð á mann í tvíbýli með morgunverði 189.990 kr
Verð í einbýli með morgunverði 239.990 kr
Flug & Hótel
voco The Hague by IHG 4* eða sambærilegt
Voco The Hague by IHG er með líkamsræktarstöð, garð, verönd og veitingastað í Haag. Þetta 4 stjörnu hótel býður upp á herbergisþjónustu, sólarhringsmóttöku og ókeypis WiFi. Gististaðurinn er 600 metra frá miðbænum og 2,7 km frá Madurodam.
Herbergin eru með flatskjá með gervihnattarásum, kaffivél, sturtu, ókeypis snyrtivörum og skrifborði. Herbergin eru með sérbaðherbergi með hárþurrku og sum státa af borgarútsýni. Allar gistieiningarnar eru með fataskáp og ketil.
Morgunverðarhlaðborð, à la carte- eða léttur morgunverður er í boði á gististaðnum.
Hótelið fær heildareinkunn 8,7 og einkunn 9,7 fyrir staðsetningu á booking.com
Verð á mann í tvíbýli með morgunverði 199.990 kr
Verð í einbýli með morgunverði 279.990 kr
Flug & Hótel
Hilton The Hague 5* eða sambærilegt
Hilton The Hague er eitt glæsilegasta hótel borgarinnar, staðsett í hinu fágaða sendiráðshverfi í sögulegum miðbæ Haag.
Hótelið er til húsa í fyrrum aðalbyggingu póstsins og sameinar sögulegan arkitektúr og nútímalegan lúxus á einstakan hátt. Gestir geta notið þess að vera í göngufæri við hágæða verslanir, konungshöllina og mikilvægustu söfn borgarinnar. Með fyrsta flokks þjónustu, glæsilegum herbergjum og hinum vinsæla BlueBlood veitingastað, er Hilton The Hague hinn fullkomni staður fyrir þá sem leita að gæðum, stíl og fágun í höfuðborg stjórnsýslunnar.
Hótelið fær heildareinkunn 8,2 og einkunn 9,1 fyrir staðsetningu á booking.com
Verð á mann í tvíbýli með morgunverði 214.990 kr
Verð í einbýli með morgunverði 289.990 kr
Holland
Holland, af sumum þjóðum kallað Niðurlönd, er fallegur og skemmtilegur áningastaður í norðanverðri Evrópu. Það er helst þekkt fyrir fallegt landslag, túlípanana sína og sólblómin, en einnig á landið sér langa og mikla sögu, sem fornar byggingar bera glöggt vitni um. Í dag er Holland frjálslynt fjölmenningarlegt þjóðfélag, og heimsókn þangað er bæði áhugaverð og skemmtileg upplifun.
Almennar upplýsingar:
- Fjöldi fólks: 17,635,641
- Stærð að flatamáli: 41.850 km²
- Opinbert tungumál: Hollenska
- Gjaldmiðill: Evra
- Hitastig: Sumar 15°- 22° / Vetur 0°– 6°
- Tímabelti: 1 tíma á undan
Holland er að stórum hluta sléttlendi, og verulegur hluti þess liggur undir sjávarmáli. Vindmyllur eru eitthvað sem margir tengja við landið, enda má sjá þær all víða og flestar eru þær notaðar til að dæla vatni úr því mikla votlendi sem Holland er. Önnur vel þekkt hollensk táknmynd eru túlípanarnir, en landsmenn hafa í aldaraðir haft mikla ást á þeim fallegu blómum. Í dag eru Keukenhof garðarnir (stundum nefndir Gardens of Europe) einn helsti vitnisburður um áhuga Hollendinga á túlípönum og annarri blómarækt. Garðarnir eru staðsettir nærri bænum Lisse, í um 35 km fjarlægð frá Amsterdam, og þykja með fallegustu skrúðgörðum Evrópu.
Holland hefur vakið eftirtekt umheimsins fyrir umburðarlyndi sitt og frjálslynda stefnu í ýmsum málum. Þannig var það fyrsta landið í heiminum til að lögleiða hjónabönd samkynhneigðra árið 2001, og aðferðir yfirvalda í afglæpavæðingu eiturlyfja, vændis og líknardrápa hefur vakið alþjóðlega athygli. Höfuðborgin Amsterdam er oft í fararbroddi hinnar framsæknu stefnu, sem hefur gert hana að spennandi áfangastað fyrir ferðamenn sem leita að einstakri og öðruvísi upplifun.
Hjólreiðar eru órjúfanlegur hluti af hollenskri menningu og þær eru vinsæll ferðamáti bæði hjá heimafólki og gestum. Borgir og bæir og innviðir allir eru mjög hjólavænir, og landið státar af víðfeðmu neti hjólastíga. Það má því alveg mæla með hjólaflakki um landið, sem veitir öðruvísi upplifun og einstaka sýn á fegurð Hollands og sjarma.
