Dagsetningar og áfangastaðir útskriftarferða 2023 koma bráðlega. Ef þú ert með spurningu fyrir þína útskriftarferð 2023 sendu okkur email á uf@tripical.com.

Um er að ræða 10 sólarhringa ferð sem innifelur skemmtilegt opnunarpartý með sérvöldum íslenskum tónlistarflytjenda ????, togapartý,  flug, hótelgistingu, rútur til og frá flugvelli og íslenska fararstjórn.

Hægt er að bæta við úrvali af spennandi dagsferðum og öðrum viðburðum, eins og skemmtipakkanum okkar vinsæla.

Hótel Porto Greco

Okkar allra vinsælasta hótel, sem hefur allt sem útskriftarhópar dreyma um, og hægt er að velja á milli þess að vera fjórir, þrír eða tveir saman í herbergi.

Það sem er í boði á Porto Greco:

• Fjórar sundlaugar, sólbekkir og sólhlífar án endurgjalds
• Þrjár strandir fyrir framan hótelið, sólbekkir og sólhlífar gegn vægu gjaldi
• Strandbar
• Fjórir veitingastaðir: Porto Greco Main Restaurant, Porto Greco  A la carte Restaurant, King Scorpio A la Carte Beach Restaurant, Orion Traditional Greek Restaurant
• Fjórir barir: King Scorpio Beach Bar, Porto Greco Bar, Picolo Pool Bar, Lobby & Pool Bar Elmi.
• Frítt wifi
• Líkamsræktarstöð án endurgjalds
• Squash, tennisvöllur, körfuboltavöllur
• Billiard, Air hockey, tölvuleikir
• Heilsulind þar sem bóka má t.d. nuddmeðferðir
• …og margt margt fleira

Krít er áfangastaðurinn okkar, en hún er stærsta og fjölmennasta eyja Grikklands með um 620.000 íbúa. Eyjan einkennist af töfrandi landslagi og náttúru, hressandi mannlíf og á sér magnaða sögu.

Gist verður í bænum Hersonissos sem er staðsettur fyrir miðja Krít. Hersonissos hefur á síðari árum vaxið úr litlum veiðibæ, yfir í að verða einn vinsælasti ferðamannastaður eyjarinnar. Bærinn er með frábært næturlíf, fallegar strendur, góðan mat og glæsileg hótel. Aðalgatan liggur meðfram sjónum og má þar finna allt frá veitingastöðum, yfir í verslanir og skemmtistaði.

Hvað er hægt að gera meira?

Hér er listi, alls ekki tæmandi, um afþreyingu á staðnum:

Við byrjum á Star Beach en þar er meðal annars sundlaugarður, skemmtistaður, strönd og teygjustökk. Á nokkra daga fresti eru þar haldin geggjuð sundlaugarpartý, froðupartý og tónleikar þar sem fjöldinn allur af þekktum (og minna þekktum) tónlistamönnum koma fram.

Á ströndunum almennt mælum við með að leigja Jet-Ski og bruna meðfram strandlengjunni. Jafnvel fara í smá snorkl og köfun. Einnig er hægt að skella sér í paintball, fallhlífarstökk, vín- og ostasmökkun, verslunarferðir og þannig mætti lengi telja.

Ef í þér býr meira flökkueðli, er auðvelt að fara og skoða aðrar borgir og bæi. Þá bendum við á Malia, sem er gamall hippabær með lítinn en skemmtilegan miðbæjarkjarna og mikið næturlíf. Stalis er annar bær rétt hjá, sá er meira í rólegri kantinum og í göngufjarlægð frá Hersonissos. Þá má ekki gleyma Chania sem er einn fallegasti bær Krítar. Ef það er mikill ferðahugur í þér, farðu til Santorini! Eða virkisvörðu eyjunnar Spinalonga, eða Chrissi Island, sem er eyðieyja sunnan við Krít. Við bara getum ekki gert upp á milli!