Sóttvarnir

Það er afar miklvægt að fólk sé meðvitað um og passi persónulegar sóttvarnir. Á hótelum og öllum almennum svæðum er gætt að sóttvörnum skv. ströngum reglum yfirvalda í Austurríki, Skiwelt svíðasvæðisins og hvers bæjarfélags fyrir sig. Þessar reglur sem taka mið af aðstæðum eru að breytast hratt. Við munum miðla til hópsins nýjum upplýsingum og taka sérstaklega fyrir þegar nær dregur.

Grímuskylda er í kláfum og fjarlægðamörk þarf að virða. Sama á við um veitingstaði í fjalli og eins í bæjunum. Ferðast þarf með grímu.

Við munum birta allar nauðsynlegar upplýsingar hér og í sérstöku smáforriti sem allir farþegar okkar fá aðgang að.

Skíðasvæðið heldur einnig úti upplýsingasíðu:

https://www.skiwelt.at/en/current-information-about-the-skiwelt-winter-season-2020-21.html

Skíðasvæðið

Skiwelt skíðapassinn veitir aðgang að samtals 284 kílómetrum af samtengdum vel merktum brekkum af ýmsu tagi, en litakerfi er notað til aðgreiningar. Bláar brekkur eru auðveldar, þær rauðu meiri áskorun og þær svörtu mest krefjandi. Ákveðnir bæir leggja meira upp úr þjónustu við byrjendur og þá sem kjósa mest bláar brekkur. Það er mikilvægt að skoða vel kort af skíðasvæðinu, kynna sér vel brekkurnar og ekki vitlaust að jafnvel búa sér til plan hvern dag. En eitt er víst, að allir finna nóg við sitt hæfi og ekki skemmir að geta með lítilli fyrirhöfn “skroppið” yfir til Kitzbuhel.

Um 90 lyftur sér um að flytja gesti hratt og örugglega á áfangastað. Samanlögð flutningsgeta er tæplega 150 þúsund manns á hverri klukkustund. Í umsögnum sínum taka gestir sérstaklega fram að allir kláfar og allar lyftur eru nýjar eða nýlegar og hannaðar með öryggi og þægindi að leiðarljósi.

Mjög auðvelt er að átta sig á svæðinu og merkingar eru mjög góðar. Ef einhver villist er bara í uppsiglingu frábært ævintýri því mjög vel er gætt að gestum og allar brekkur enda jú bara við einhverja lyftuna sem flytur fólk upp á ný þar sem það kemst aftur á leið. Í flestum tilfellum eru tvær eða fleiri mis krefjandi leiðir niður.

Snjóalög á rétt tæplega 80% svæðisins eru tryggð með framleiddum gæðasnjó alveg frá því seint í nóvember. Við það bætist svo náttúruleg ofankoma. Það er því alltaf hægt að skíða. í Ölpunum er svo sem allra veðra von en blíðviðrið í Brixen ríður ekki við einteyming.

Þegar komið er upp úr þorpunum blasir við víðernið, sólbakaðar brekkur og heiður himinn. Yfirþyrmandi fegurð sem auðveldlega grætir. Þægilegir kláfarnir og nýtísku stólalyfturnar flytja fólk úr þorpunum frá en þeir byrja að ganga á morgnanna. Þaðan er svo hægt að þræða sig um vel merktar brautir við allra hæfi. Í brekkunum er fjöldi veitingastaða þar sem tilvalið að fá sér saman hressingu eða heila máltíð. Skipulögð ferð gestgjafa um svæðið fyrsta daginn hjálpar fólki að átta sig. Skiwelt.at vefsvæðið er yfirfullt af fróðleik og þar má fletta upp leiðum, til dæmis hvernig komist er milli þorpa.

Svæðin upp af hverju þorpi fyrir sig og svo toppsvæðið þarf fyrir ofan bjóða endalausa möguleika hvort sem fólk vill ferðast milli tinda og dala eða bara halda sig við sína uppáhalds brekku. Af öllum tindum eru í boði mismunandi erfiðar brekkur. 80 fjölskyldureknir veitingastaðir er með að meðaltali 3,3 km millibili í fjallinu og þeir sem renna sér fá fljótt á tilfinninguna að vel sé hugsað út í þægindi og auðvelt aðgengi þannig að úr verði hæfileg blanda af skemmtun og hreyfingu.

Gestgjafar bjóða upp á kynningarferð fyrsta daginn þar sem farið verður yfir allt svæðið. Sú ferð er tilvalin til að kynnast staðháttum, læra grunnleiðir og fá góða tilfinningu fyrir hlutunum.

Fjallaskíðafólk hefur skinnað upp á ýmsum stöðum en traustir aðilar bjóða ferðir og námskeið fyrir þá sem hafa nú þegar fengið fjallaskíðabakteríuna eða vilja prófa. Nokkuð er um ótroðnar brautir og mikið um utanbrautaskíðamennsku á svæðinu. Á svæðinu er fín aðstaða til gönguskíðaiðkunar.

Hér er gagnvirkt kort af svæðinu. Hægt er að nota síur til að velja veitingastaði, skíðalyftur, brautir, vefmyndavélar og annað. http://skimap.skiwelt.at/?Lang=en

Niels “Nilli” Hafsteinsson

Þessi höfðingi hefur verið búsettur á Tenerife um árabil og þekkir þar hvern krók og kima. Hann er margreyndur gestgjafi bæði á sólarströndum og í snjóþungum skíðabrekkum í Austurríki, á Ítalíu og í Andorra. Níels er lærður framreiðslumaður og vínþjónn. Það kemur því enginn að tómum kofanum hjá honum varðandi pöntun á mat og drykk. Hann vel áttaður og kunnugur staðháttum. Hann getur því leiðbeint og aðstoðað við allt sem þarf. Níels hefur prófað flesta afþreyingarmöguleika sem eru í boði.

Daddi Guðbergsson

Daddi er löggildur leiðsögumaður og hefur sinnt því starfi bæði á Íslandi og erlendis. Í félagi við Níels Hafsteinsson hefur hann staðið fyrir eða tekið þátt í þvottekta gleði í fjöllum Ítalíu og Andorra yfir vetrartímann en bætir nú Austurríki við. Drengurinn er bóngóður og hefur gaman af því að leysa úr hlutunum.