Króatía

Króatía býr yfir voldugri sögu, gríðarlegri náttúrufegurð og býður upp á fjölbreytta staði fyrir forvitna heimshornaflakkara. Í landinu miðju höfum við Plitvice þjóðgarðinn, sem helst minnir á landslag Pandoru úr kvikmyndinni Avatar. Á strandlengju Dalmatiu héraðs finnurðu bæði stórbrotin klettabjörg og seiðandi gylltar sólarstrendur, ásamt hinum ævarforna og tignarlega borgargimstein Dubrovnik.

Á hinum endanum, með landamæri að Slóveníu og í nálægð við Ítalíu, er svo hinn heillandi Istria skagi, svæði sem tilheyrði reyndar Ítalíu um nokkurra áratuga skeið, frá lokum fyrri heimsstyrjaldar til loka þeirrar seinni (1918-1945) og þau tengsl nokkuð greinileg bæði í byggingarstíl og stemmingu. Þá er Adríahafið meðfram Króatíu talið tærasta haf Evrópu, enda mjög vinsælt til köfunar. Þar er að finna yfir þúsund misstórar eyjar sem draga að sér fjölda ferðamanna á hverju ári.

Hér er fátt eitt nefnt úr þeirri miklu flóru spennandi áfangastaða sem þetta fagra land býður uppá. Við hjá Tripical einfaldlega elskum Króatíu og erum viss um að þú munt gera það líka.

Almennar upplýsingar

• Fjöldi íbúa: 4.154.200
• Stærð að flatarmáli: 56.534 km²
• Opinbert tungumál: Króatíska
• Gjaldmiðill: Evra
• Hitastig: 9°-25°
• Tímabelti: 1-2 tímum á undan Íslandi

Hvar og Split

Eyjan Hvar er einn vinsælasti áfangastaður landsins og ekki að undra, hún er ofboðslega skemmtileg og státar af því að vera sólríkasti staður Króatíu. Á Hvar finnurðu alls konar mannlíf og gesti á öllum aldri, fjölskyldur stórar og smáar, ungt fólk í leit að skemmtilegu næturlífi og stundum líka súperstjörnur úr Hollywood. Eyjan er þekkt fyrir mikla veðursæld, gómsæta matargerð og einstaka náttúrufegurð. Sjávargolan sem blæs yfir bæinn þykir mjög endurnærandi og orkumikil, svo mikið að fyrr á árum voru starfræktar á eyjunni heilsulindir fyrir einstaklinga með öndunarerfiðleika, þar sem hægt var að fara í sérstaka „öndunarhreinsun“.

Nálægt eyjunni er svo að finna næststærstu borg Króatíu, Split. Þetta er afar  ferðamannavæn borg, ofboðslega fallegur staður sem býður upp á mjög líflegt og spennandi næturlíf. Þar er margt hægt að gera sér til afþreyingar, og við mælum hiklaust með skoðunarferð um rómversku rústirnar sem borgin er byggð í kringum.

Dubrovnik

Í tveggja klukkustunda fjarlægð suður af Split er Dubrovnik, lítill 40.000 manna bær á syðsta punkti Króatíu. Gamli bærinn í Dubrovnik á sér langa sögu, en hann er umkringdur borgarveggjum sem áttu að verja hann á stríðstímum fyrr á árum en Dubrovnik var sjálfstætt ríki áður en bærinn varð partur af Króatíu. Bærinn á það sameiginlegt með Íslandi að Game of Thrones hafa tekið upp þáttaseríur sínar þar, en fyrir þá sem til þekkja eru allar senur sem gerast í suðrinu teknar þar.

Istria

Á hinum enda strandlengjunnar, nálægt Ítalíu og með landamæri að Slóveníu, liggur Istria skaginn, sem frá árunum 1918-1945 var hluti af Ítalíu, varð síðan partur af kommúnistaríkinu Júgóslavíu en tilheyrir í dag Króatíu. Þar má finna aragrúa lítilla smábæja, bæði við sjávarsíðuna og upp með fjallshlíðum. Þetta eru gömul, rótgróin og einstaklega sjarmerandi þorp, byggingastíllinn er öðruvísi en fyrir sunnan, húsin litrík, og svipa mjög til smábæja á Ítalíu. Hér úir og grúir af sjávarréttastöðum sem bjóða upp á ferskt sjávarfang. Fjölda markaða er að finna á svæðinu og ólívur, trufflur, olíur og ýmis konar ávextir eru fáanlegir út um allt. Neðst á skaganum er bærinn Pula en þar má finna risastórt rómverskt hringleikahús. Við mælum einnig með heimsókn í hinn heillandi bæ Rovinj og skoðunarferð í Basilikkuna í bænum Poreč.

Opatija

Opatija er einstaklega fallegur bær á Istria skaganum, umkringdur fallegum lárviðarskógi við strendur Adríahafsins og um 18 km frá Rijeka, sem er ein af stærri borgum Króatíu. Staðurinn er þekktur fyrir milt Miðjarðarhafsloftslag og sínar sögulegu byggingar og vinsæll bæði sem sumar- og vetrardvalarstaður, með meðalhita upp á 10 °C á veturna og 32 °C á sumrin.

Opatija á rætur sínar að rekja til klausturs heilags Jakobs sem þar stóð og bærinn óx út frá, en nafnið Opatija þýðir einmitt ,,klaustur“. Dagur Heilags Jakobs, sem er verndardýrlingur ferðalanga (og einnig verndari sútunar og ávaxtaræktenda), er haldinn hátíðlegur á hverju ári 25. júlí, og er um leið almennur hátíðisdagur bæjarins.

Á fyrri tímum var Opatija hluti af feneyska lýðveldinu og í framhaldinu lengi vel eign auðugra austurrísk-ungverskra fjölskyldna sem byggðu þennan fallega griðarstað sinn með miklum glæsileik, mikilfengleg stórhýsi frá tímum þessa ,,háklassasamfélags“ standa meðfram ströndinni og setja sterkan svip á bæinn. Hér eru fagrir garðar, tignarleg lúxushótel og umhverfi sem sómir sér vel á póstkortum, og gera Opatija að töfrandi áfangastað.

Šibenik

Šibenik er ein af elstu borgum Króatíu, sögulegur staður frá 11. öld, í miðju Dalmatíu-héraði, við ána Krka sem rennur í Adríahaf. Þar búa í dag um 35.000 manns. Þar er mikið um einstakar byggingar fyrri alda. Þekktust þeirra má telja Saint James dómkirkjuna, sem er á heimsminjaskrá UNESCO, en einnig má nefna miðaldaklaustur St. Laurence og afar sjaldgæfan klausturgarð þar við frá 15. öld, og virki heilags Mikaels sem veitir einstakt útsýni yfir borgina og hafið fyrir utan.

Í hinu heiftúðuga sjálfstæðisstríði Króata (1991–95) varð Šibenik fyrir harðri árás frá jógóslavneska þjóðarhernum og serbneskum hersveitum. Þrátt fyrir að vera undirvopnaðir, tókst króatíska hernum og íbúum Šibenik að verja borgina. Bardaginn stóð í sex daga (16.–22. september 1995), oft nefndur „septemberbardaginn“. Sprengjuárásirnar skemmdu fjölmargar byggingar og minnisvarða, þar á meðal hvelfingu Šibenik dómkirkju heilags Jakobs og leikhúsbyggingu sem var byggð árið 1870. Síðan þá hafa skemmdar byggingar borgarinnar verið endurreistar að fullu.

Í dag er Šibenik friðsæl og hrífandi borg full af sögu og sjarma, ekki síst gamli hluti bæjarins, með ævafornu kirkjum, höllum fyrrum aðalsmanna og dæmigerðu aldagömlum dalmatískum steinhúsum.

Til gamans má geta að hér var fallhlífin fundin upp á 17. öld og prófuð í fyrsta skipti af uppfinningamanni hennar Faust Vrancic. Hér er líka fæddur og uppalinn hinn frægi körfuboltamaður Dražen Petrović.

Pag

Um miðja strandlengju Króatíu er eyjan Pag. Við enda hennar er að finna bæinn Novalja, sem er á sumrin  yfirfullur af ungu og skemmtanaþyrstu fólki. Bærinn einkennist af smágerðum hvítum húsum með rauðum þökum. Meðfram höfninni er  mikið úrval af veitingastöðum og börum en helsta aðdráttaraflið verður þó að teljast Zrcé ströndin rétt hjá bænum. Þar er heldur rólegt um að litast á daginn, en um leið og rökkva fer færist heldur betur líf í staðinn.  Zrcé ströndin er pakkfull af skemmtistöðum, börum og skyndibitastöðum, skemmtistaðirnir eru margir þaklausir svo maður fær strandarstemninguna beint í æð og fjöldi þekktra plötusnúða koma og spila þar á ári hverju.

Hótelin okkar

• add Amadria Park Hotel Milenij 5*

  Amadria Park Hotel Milenij

  Staðsett í sögulegri glæsivillu frá hinum svonefnda Habsborgartíma og býður upp á fimm stjörnu lúxus. Hótelið er umkringt sérhönnuðu landslagi og görðum og þar er ein vinsælasta verönd Opatija sem býður upp á stórkostlegt útsýni yfir Kvarner-flóa.

  Hvort sem þú ert hér í viðskiptaerindum eða í fríi, leggur starfsfólk Milenij metnað í hverju smáatriði dvalarinnar. Herbergin eru innréttuð af fágun og glæsileik, og mikið lagt í öll þægindi.

  Íburðarmikill veitingastaður hótelsins, Restaurant Argonauti, býður upp á sælkerarétti úr héraðinu. Einnig er tilvalið að njóta hressingar á Wagner Caffe veröndinni, með stórbrotnu útsýni yfir flóann. Ef þú ert hér til að slaka á er

  Ef þú ert að leita að slökun, Amadria Park Hotel Milenij sannarlega rétti staðurinn.

  Sjáðu meira um hótelið hér.

  

• add Amadria Park Beach Hotel Royal 4*

  Amadria Park Beach Hotel Royal

  Gamalt og nýtt blandast skemmtilega saman á Amadria Park Beach Hotel Royal, hóteli sem sækir innblástur sinn og hönnun í hin sögulegu einbýlishús Opatija. Slakaðu á í einstökum lúxus, og njóttu útsýnisins og nálægðarinnar við Lungomare.

  Herbergin á Amadria Park Royal bjóða upp á mismunandi útsýnis yfir Kvarner-flóann og Opatija-höfnina. Vertu velkomin/nn á bókasafnið okkar og á Royal Club kaffihúsið, þar sem þú getur teflt eins og eina skák, eða reynt þig við eitt af elstu borðspilum Evrópu, millu.

  Njóttu fjölbreytilegs úrvals af hinum ýmsu réttum á veitingastaðnum Royal, eða sestu með drykk á barnum og upplifðu töfrandi útsýnið þaðan yfir flóann. Farðu í göngutúr í franska garðinum við hótelið, taktu slökun á ströndinni okkar undir róandi nið Adríahafsins.

  Sjáðu meira um hótelið hér.

  

• add Amadria Park Grand Hotel 4 Opatijska Cvijeta 4*

  Amadria Park Grand Hotel 4 Opatijska Cvijeta

  Ertu að leita að sól, sjó og sælu, ásamt skemmtilegri afþreyingu fyrir alla fjölskylduna? Grand Hotel 4 Opatijska Cvijeta er staðsett í miðbæ Opatija og býður upp á skrautgarða og dásamlegt umhverfi.

  Herbergin eru bæði með útsýni yfir garðana og út á haf, og þar finnurðu öll nútímaleg þægindi.

  Úr nægu er að velja fyrir alla fjölskylduna þegar sest er að snæðingi. Á veitingastöðunum Camellia, Osteria da Ugo og Milenij Choco World, má njóta ferskra, staðbundinna rétta, dýrindis sætabrauðs og sælgætis.

  Og svo er það okkar dásamlega Wellness Oasis, sem býður upp á sundlaugar, gufubað, böð og slökunarstofu, ásamt ýmis konar andlits- og líkamsmeðferðum. Þá er stutt niður á ströndina okkar Royal Beach við Opatija Rivíeruna.

  Sjáðu meira um hótelið hér.