Hópferð til Parísar!

París er tilvalin áfangastaður fyrir hópa, hvort sem þið viljið upplifa einstakar gersemar listasögunnar, standa agndofa í upplifun á stórfengleika borgarinnar, fræðast um frönsku byltinguna og örlög konunga eða einfaldlega æfa frönskukunnáttuna í hámenningarlegu umhverfi? Þá er París borgin fyrir ykkur.

Hámenningarborg Evrópu

París hefur verið kölluð mörgum nöfnum sem öll reyna að grípa sérstöðu hennar. Borg ástarinnar, ljósadýrðar, tísku og listar eru aðeins brot af því sem París stendur fyrir. París er stórfengleg menningarborg, uppfull af glæstri sögu, heimsþekktum byggingum og stórfenglegri list. Það er ógleymanleg upplifun að sjá útsýnið frá Eiffelturninum, ganga um hellulögð og sjarmerandi stræti Montmarte, njóta birtunnar sem streymir í gegnum um steind gler Notre Dame eða horfa í átt til sigurbogans eftir Champs-Élysées. París hefur svo ótal margt upp á að bjóða.

Við eigum laus sæti á nokkrum dagsetningum 2023:

• 20.-23.apríl – UPPSELT
• 28.apríl – 1. maí – LAUST
• 26.-29.maí – LAUST

Ef þú vilt kanna möguleika fyrir þinn hóp, sendu okkur línu í gegnum fyrirspurnarformið hér til hægri á síðunni, með ósk um dagsetningu og áætlaðan fjölda. Við sendum tilboð um hæl. 

Gersemar listasögunnar

París er borg listar og fegurðar og Renoir, Rodin, Picasso, Monet, Manet og Van Gogh eru aðeins nokkrir af þeim meisturum listasögunnar sem hafa lifað og starfað í París. Borgin öll er eitt stærsta listasafn veraldar og geymir gersemar allt frá fornöld til samtíma í fjölmörgum söfnum sínum. Hið heimsfræga Louvre með sögufrægum dýrgripum og óviðjafnanlegri heimslist. Impressíónistaverk Musée d’Orsay og nútímalistaverk Pompidou-safnsins eru aðeins hluti af þeirri listaupplifun sem borgin býður upp á.

Veisla fyrir bragðlaukana

Orðspor Frakka í matargerð er sannarlega verðskuldað og París er borg fyrir bragðlaukanna. Hvort sem það er sitja inni á notalegum hverfisbistró eða upplifa himneska matargerðarlist á þriggja stjörnu Michelin stað, þá býður París upp á bragð fyrir alla. Um allt eru töfrandi sælkerabúðir, bakarí og kökuhús með seiðandi græsingar. Yfirfullir götumarkaðir með úrvali ferskra afurða og alls þess sem þarf til að skipulegga lautarferð í einhverjum af fjölmörgu görðum borgarinnar.

Sannkölluð hátískuborg

Tíska er eitt af aðalsmerkjum Parísar og borgin er heimili margra frægustu hönnuða heims eins og Chanel, Dior, Louis Vuitton og fjölda fleiri. Það er hægt að skoða heimsfræg hátískuhús eða versla í fjölda sérverslana, konsept-búða og antíkverslana og heimsækja einn stærsta flóamarkað í heimi.

Beint flug með Icelandair, vor 2023:

• • Brottför frá Keflavík kl. 07:40 og lent í París kl. 13:05
  • Heimflug frá París kl. 14:15 og lent í Keflavík kl. 15:40
• á við allar dagsetningar sem í boði eru