Aþena

Aþena

Aþena birtist fyrst á spjöldum sögunnar í kringum árið 1400 fyrir Krist,  þá strax orðin stóbrotin menningarborg. Margar grískar borgir voru eyðilagðar á ófriðartímum í kringum 1200 fyrir Krist, en Aþena hélt reisn sinni og slapp tiltölulega heil frá þeim átökum. Í byrjun 8. aldar fyrir Krist skipaði borgin sér sess, vegna hentugrar stöðu sinnar á landakortinu, sem miðstöð verslunar, þar sem viðskiptum og sjóflutningum til og frá hinum ýmsu heimshlutum var stýrt.

Grikkland

Rómantísk vagga vestrænnar siðmenningar

Grikkland er algjör draumaáfangastaður. Þegar byrjað var að sýna kvikmyndin Mamma Mia um víða veröld  jókst áhugi  til að sækja landið heim til mikilla muna. Mörg atriði í þessari yndislegu mynd fá mann til þess að vilja pakka niður í  tösku, hætta í vinnunni og taka fyrsta flug til Grikklands, sigla á milli hinna óteljandi eyja landsins (sem eru einhvers staðar á milli 1.200 til 6.000 talsins!!) þar sem eru  250 sólardagar  á ári. Líklega eru fá lönd sem eiga  jafn langa og ríka sögu og Grikkland og nær sú saga  allt frá 1600 fyrir Krist og því er landið alla jafna álitið vagga vestrænnar siðmenningar. Í dag hafa ferðamenn tækfæri í dag til að rekja fótspor grískrar sögu frá Steinöld til Rómverska tímabilsins á hundruðum fornleifasvæða og á fornleifa söfnum, sem dreifð eru víða um landið. Saga landsins er mörkuð á hverju götuhorni, einstök verk frá miðalda- hellenískum og býsantískum tíma, leifar af annari siðmenningu og trúarbrögðum. Allt samræmist þetta nútíma byggingalist og annari listsköpun síðari tíma. Landið er paradís fyrir þá sem hafa áhuga á menningu, sögu og list.

Hlustaðu á lagið í  spilaranum hér að neðan og hugurinn ber þig  langleiðina til Grikklands!

Almennar upplýsingar

• Fjöldi fólks: 10.815.197
• Stærð að flatamáli: 131.957 km²
• Opinbert Tungumál: Gríska
• Gjaldmiðill: Evra / 1€=124kr
• Hitastig: Yfir sumartímann er hitinn um 21°-30°
• Tímabelti: 2-3 tímum á undan Íslandi

Menningarleg fjársjóðskista

Gakktu  inná völlinn  þar sem ólympíukeppendur héldu sína fyrstu leika, upplifðu landið þar sem kentárar og önnur skrímsli urðu til. Taktu jafnvel þátt í leikriti í fornu útileikhúsi og leyfðu þér að verða agndofa yfir mögnuðum marmara sem var bókstaflega dreginn upp úr Eyjahafinu.

Hvort sem þú elskar góðar skoðunarferðir, að slaka á við ströndina eða ert jafnvel langt leiddur adrenalín fíkill, mun Grikkland heilla þig. Dagarnir verða allir að einum undir berum himni, rólegu andrúmslofti og dásamlegri  sjávargolu sem  kælir þig niður á meðan þú skoðar þig um við strendur drauma þinna. Gakktu meðfram ströndum og upp á fjall Guðanna, hjólaðu um,  eða leitaðu að fjársjóði í aldagömlum skipsflökum.

Maturinn í Grikklandi er algjör upplifun. Hið létta fæði miðjarðarhafslandanna með tyrknesku og litlu Asíu ívafi hefur varðveist í tímans tönn. Aldagamall svæðisbundinn eldunarstíll er enn notaður og getur gert ferðalagið þitt að heimsókn aftur í fornöld.  Það er fleira að hafa  en moussaka og tzatziki í þessu dásamlega  landi og ef þú ert ein/einn af þeim sem ert alltaf svangur, þá ertu á heimavelli. “Souvlaki” færðu á hverju götuhorni. Það má líka finna “gourmet” staði þar sem Michelin kokkar  töfra fram dýrindis rétti.   Smakkaðu kryddjurtir sem þú hefur aldrei heyrt um, krækling beint úr sjónum með nýbökuðu ólífubrauði og ferskum feta osti.

Grikkir lifa ástríðufullu lífi, lifa lífinu til hins ýtrasta og okkur finnst að þú ættir að gera nákvæmlega það sama!

Aþena

Höfuðborg Grikkja. Aþena er ein elsta borg heims og saga hennar spannar  3.400 ár. Aþena er staðsett við suðaustur strönd Grikklands með um þrjár milljónir íbúa. Umvafin fjórum háum fjöllum er borgin byggð á  miklum og misháum hæðum. Hitastigið er allt frá 20°-29° frá maí til september og 10°-16° aðra mánuði ársins. Aþena er sögð vera fæðingarstaður lýðræðisins, hún er miðstöð  lista, náms og heimspeki. Hér erum við á  heimaslóðum Sókratesar, Platós og Aristótelesar.

Grikkir eru mjög opnir, vingjarnlegir og hjálpasamir.  Ef þú segir “kalimera” í staðinn fyrir “good morning” þá uppskerðu breitt bros.  Þeir eru líka fjörugir og  skemmtilegir, tala mikið saman með höndunum og stundum öllum líkamanum.  Þeir eru vanafastir varðandi allt hið daglega, en á Sunnudagsmorgnum fara þeir og fá sér dögurð með alla fjölskylduna.  Aþena er því full af “brunch” veitingastöðum þar sem gestir og heimamenn geta gætt sér á frábærum mat.  Aþena dagsins í dag er lík fjölmörgum borgum, ys og þys, hávær, gömul og ný.

Til þess að njóta Aþenu er margt í boði og takmarkast bara við ímyndunaraflið þitt, eða svona næstum því. Svo við tökum nú einhvert dæmi þá sjáum við fyrir okkur að þú getir farið í matarleiðangur og uppgötvað gríska matarmenningu (sem er frábær leið til að hitta lókalinn).

Heimsókn á “Laiki” markað sem finnast í hverju hverfi er bráðnauðsynleg, þar er gnægð af olífum, ávöxtum og margskonar grænmeti, flest “beint frá býli” hvaðanæva af landinu.

Ef þú vilt vera extra menningarleg/ur væri hægt að skella sér á grískt dramaleikrit, ef ekki leikrit þá bara útibíó, þau eru nokkuð vinsæl í Grikklandi. Menningarvitinn missir ekki af Parthenon, Akroopolis, Þjóðarskrúðgarðinum, Þinghúsinu ofl.  Síðan er auðvitað hægt að finna náttúruferðalanginn í sér og skoða strendur og fjöll í kringum borgina, sigla jafnvel  til eyja í nágrenninu.  Frábær leið til þess að komast frá hinu daglega borgarlífi!

This is my Athens er verkefni sem sett var af stað fyrir nokkrum árum. Þarna fara heimamenn sem gjörþekkja borgina með gesti í göngferðir  til að skoða það sem þeim finnst áhugavert og liggur kannske ekki í augum uppi fyrir gesti.  Sjálfboðaliðarnir sem fara í þessar ferðir eru ekki leiðsögumenntaðir, ekkert gjald er tekið fyrir gönguna.

Krít

Höfuðborg Krítar er Heraklion, einnig kölluð Iraklio.  Borgin er fimmta stærsta borg Grikklands og í henni era ð  finna stórbrotið samsafn af sögulegum byggingum og svæðum. Þar á meðal má nefna  hið fræga Heraklion fornleifasafn og Höll Knossos, sem bæði gefa  góða innsýn inni í fornöld Krítar. Höll Knossos er að finna í gömlum bæ rétt fyrir utan Heraklion sem var höfuðborg Forn-Krítar ef svo má að orði komast. Við mælum því með því að skoða hana vel vilji maður upplifa hvernig fyrstu siðmenningu Evrópu var háttað. Þú verður ekki fyrir vonbrigðum!
Einnig mælum við hiklaust með því að þú leyfir þér að villast í borginni. Þannig áttu möguleika á að kynnast öllum krókum og kimum hennar. Kaffihúsunum, börunum, söfnunum og svo mögulega næturlífinu.

Ef þú vilt  skoða næsta nágrenni, þá  er borgin Hersonissos aðeins  í 25 km. fjarlægð. Hersonissos hefur á síðari árum vaxið frá því að vera lítill veiðibær yfir í  að verða einn stærsti og vinsælasti ferðamannabær eyjarinnar,  yfir sumartímann.  Frábær hótel, skemmtistaðir, kaffihús og strendur prýða bæinn fallega.
Fyrst við erum farin að telja upp fagra staði,  má ekki sleppa Chania (einnig skrifað Hania), sem er líklega ein mest áberandi borg Krítar og minnir hluti hennar á fallegu Feneyjar. Þröngar krosslaga götur, stórfenglegar hafnir og leyfar af feneyskum og tyrkneskum arkitektúr einkenna borgina.

Santorini

Á svæðinu er einnig stórglæsileg eyja suðaustur af meginlandi Grikklands, aðeins norðar  en Krít, Santorini. Sagt er að í útliti sé Santorini eins og risastór lagskipt kaka sem einkennist af háum mislitum klettum, sem enda á röðum af stórglæsilegum húsum og  minna helst á hvítt súkkulaði, sem klettatoppum eyjarinnar  hefur verið dýft í. Það má síðan segja að strendurnar minni  á kökukrem í ýmsum litum (svo við höldum okkur við kökumyndlíkinguna). Á eyjunni má síðan finna flotta listamenn, glæsilegar vínekrur og frábæra gististaði.
Við mælum með að koma þér vel fyrir rétt áður en að sólin sest þar sem endurspeglunin af hvítu húsunum, rauðu og appelsínugulu klettunum verður að geysifallegu sjónarspili. Santorini er þó ekkert leyndarmál

Hótelin Okkar

• add Divani Apollon Suites 5 🌟

  Divani Apollon Suites *****

  Hótelið býður bæði upp á inni- og útisundlaug, sem og sérstakt einkastrandsvæði. Glæsileg hönnun, einstaklega fallegt hótel. Rúmgóð herbergi, sum með sérstakri forstofu og sófa. Á hótelinu er heilsuspa, og veitingastaður. Frítt Wi-Fi.

  Sjáðu meira um hótelið hér.

  

• add Grand Resort Lagonissi 5 🌟

  Grand Resort Lagonissi *****

  Staðsett á glæsilegri 300 ferkílómetra skaga suður af Attica. Veitingastaður, heilsuspa með ýmis konar meðferðum. Glæsileg herbergi með ótrúlegu útsýni.

  Bæði hægt að leigja herbergi, sem og bungalow við sjávarsíðuna. Mjög góð herbergjaþjónusta, hægt að fá að borða upp á herbergi, og boðið upp á fyrsta flokks nuddara inni á herbergjum.

  Sjáðu meira um hótelið hér.