





Fræðsluferð til Helsinki 🌻 26. – 30. okt 2023
Fræðsluferð til Helsinki!
Helsinki er nútímaleg stórborg umlukin hafi, vötnum og fallegri náttúru. Helsinki er borg hönnunar og nýsköpunar með sérstakri samsuðu byggingarstíla. Hljóðlát og vingjarnleg með ýmsum furðulegheitum, finnskri gufu og eitt besta og framsæknasta skólakerfi heims.
Tripical býður kennurum og öðru starfsfólki skóla upp á fræðandi og skemmtilega kennaraferð og skólaheimsókn til hönnunarborgarinnar Helskinki. Þar munum við kynnast frábrugðnu skólakerfi í glæsilegu umhverfi og fræðast um áhugaverða sögu og menningu ásamt góðum skammti af skemmtun. Í skólaheimsóknum okkar leggjum við alltaf áherslu á að heimsækja áhugaverða skóla sem eru leiðandi í kennslu, hver á sínu sviði.
Við bjóðum upp á margar fræðandi kynnisferðir um borgina og erum alltaf tilbúin til að skipuleggja skemmtilega viðbótardagskrá og kynnisferðir eftir séróskum hvers hóps. Við hjá Tripical viljum einnig að makar séu velkomnir með í kennaraferðir okkar og því bjóðum við mökum upp á sérstaka skemmtidagskrá meðan á skólaheimsóknum stendur svo allir geti notið ferðarinnar sem mest.
Hönnunarsena
Finnland er frægt fyrir glæsilega og hagnýta nútímahönnun og vörumerki Marimekko og Iittala eru heimsþekkt. Frumkvöðlar hönnunar á 20. öld, á borð við Alvar og Aino Aalto, lögðu grunninn að þessu orðspori Finna og enn í dag er höfuðborgin miðstöð finnskrar sköpunargáfu. Hönnunarsena Helsinki er ein sú líflegasta í heiminum í dag og hefur áhrif víða um heim. Í hönnunarhverfi Helsinki er gnægð verslana og vinnustofa, og þar er einnig að finna hönnunarsafn borgarinnar.
Byggingarfræðileg nýbreytni
Nýstárlegur byggingarstíll Helsinki dró lærdóm sinn af hönnunarsenu borgarinnar og fjöldinn allur af perlum nútímahönnunar prýða borgina, eins og Kiasma nýlistasafnið og tónleikahöllin Musiikkitalo. Í Helsinki náði módernisminn nýjum hæðum með byggingarfræðilegri hönnun Alvar Aalto sem sést vel í Akateeminen Kirjakauppa og tónleikahöllinni Finlandia Talo ásamt hinni stórbrotnu klettakirkju Temppeliaukio, sem er hönnun Timo og Tuomo Suomalainen. Í heildarsýn borgarinnar gætir fjölda áhrifa fyrri tíma þar sem byggingar nýlistar, klassíkur og fúnktíónalisma blandast saman við áhrif ný-endurreisnar og ný-klassíkur með býzönskum áherslum.
Finnsk matargerð
Í matargerð leggja Finnar áherslu á staðbundnar afurður og sjálfbærni í landbúnaði þar sem árstíðarbundnar afurðir njóta sín best. Í Finnlandi er nóg framboð af villibráð og ferskum sjávarafurðum ásamt villtum berjum og skógarsveppum sem finnsk matargerð nýtir á fjölbreyttan hátt. Í Helsinki er fjöldi sælkeraveitingastaða, hefðbundinna veitingastaða og nýstárlegra bistróa og þar er einnig markaðshúsið Kauppahalli sem býður upp á fjölbreytni af finnskum sælkeravörum og árstíðabundinni uppskeru.
Náttúrulegt umhverfi
Helsinki er sannarlega nútímaleg stórborg en umhverfi hennar er stórbrotin náttúrufegurð sem auðvelt er að nálgast hvaðanæva úr borginni. Náttúran í kringum Helsinki býður upp á fjölmarga möguleika til náttúruskoðunar og afþreyingar allan ársins hring. Hvort sem það er að sigla um eyjar umhverfis borgina, ganga um strendur, fallega garða eða villt skóglendi þá er ósnortin náttúru ávallt steinsnar frá borginni. Á veturna þegar hafið frýs og snjórinn tekur yfir er tilvalið að skella sér á skíði, skauta eða veiða í gegnum ísilagt hafið umhverfis borgina og hlýja sér í finnskri gufu með reglulegu ísbaði.
Hápunktar ferðar
- favoriteHönnun á heimsmælikvarða
- favoriteÆðislegur miðbær
- favoriteVellíðan í sánu
- favoriteFinnsk matargerð
Innifalið í verði
- Flug fram og til baka
- 4 nætur á hóteli í miðbæ Helsinki
- 20 kg innritaður farangur
- Morgunmatur
- Rútur til og frá flugvelli og áfangastöðum
- Íslensk farastjórn
Ekki innifalið
- Hádegismatur og kvöldmatur
Vel staðsett
GLO Hotel Art 4* eða sambærilegt
Þetta 4* hótel er staðsett í Art Nouveau-kastala í hönnunarhverfinu og er 700 m frá miðbæ Helsinki. Aleksanterin Teatteri-sporvagnastöðin er einnig í 250 metra fjarlægð. Öll glæsilegu og nútímalegu herbergin á Glo Hotel Art eru með sjónvarpi og ókeypis Wi-Fi. Nýju baðherbergin eru með hárþurrku og sturtu.
Setustofu-bar býður upp á léttar máltíðir og úrval drykkja.
Aðallestarstöð Helsinki og flugvallarrútur eru í 15 mínútna göngufjarlægð frá hótelinu, en Bulevardi-verslunargatan er í 4 mínútna göngufjarlægð.
Hótelið fær 8,2 í einkun á booking.com og 8,9 í einkun fyrir staðsetningu.
20 – 39 manna hópur:
40 – 59 manna hópur:
60 – 80 manna hópur:
Gistu í hjarta Helsinki
Original Sokos Hotel Presidentti Helsinki 4* eða sambærilegt
Þetta 4* hótel er í aðeins 3 mínútna göngufjarlægð frá Kamppi-verslunarmiðstöðinni og 500 m frá aðaljárnbrautarstöð Helsinki. Það býður upp á ókeypis Wi-Fi, veitingastað í bistro-stíl og afnot af gufubaði með sundlaugarsvæði og líkamsræktarstöð.
Öll herbergin á Original Sokos Hotel Presidentti eru með minibar, straubúnaði og loftkælingu. Öll herbergin eru einnig með te/kaffiaðstöðu með vatnskatli.
Bistro Manu Restaurant sérhæfir sig í nútímavæddum bistroklassíkum.
Allir gestir fá 10% afslátt í Sokos-stórversluninni, sem er í 5 mínútna göngufjarlægð.
Hótelið fær 8,4 í einkun á booking.com og 9,4 í einkun fyrir staðsetningu.
20 – 39 manna hópur:
40 – 59 manna hópur:
60 – 80 manna hópur:
Scandic Grand Marina 4* eða sambærilegt
Scandic Grand Marina er staðsett við sjávarsíðuna í Katajanokka, í Art Nouveau byggingu frá 1920. Á hótelinu er ókeypis WiFi, gufubað, líkamsrækt og verslun sem er opin allan sólarhringinn. Markaðstorgið er í 6 mínútna göngufjarlægð. Uspenski-dómkirkjan, forsetahöllin og miðbær Helsinki eru í aðeins 500 m fjarlægð.
Öll herbergin eru með viðargólfi, sjónvarpi og skrifborði. Sum herbergin eru með te/kaffivél.
Stórir, bogadregnir gluggar og lofthæð á veitingastaðnum og barnum skapar bjart andrúmsloft. Á sumrin geta gestir einnig notið stórrar veröndar.
Hægt er að fá lánuð reiðhjól og göngustafi í móttökunni. Scandic Grand Marina er vottað sem umhverfisvænt hótel.
Hótelið fær 8 í einkun á booking.com og 8,9 í einkun fyrir staðsetningu.
20 – 39 manna hópur:
40 – 59 manna hópur:
60 – 80 manna hópur:
Dagskrár hverrar fræðsluferðar er alltaf háð ferðadagsetningum hverju sinni og því er hér eingöngu um tillögu að dagskrá að ræða.
Dagskrá sem er innifalin í fræðsluferðum Tripical eru skólaheimsóknir/fræðsla sem er sniðin að þörfum hópsins. Að auki útbúum við eftir óskum skemmtidagskrá fyrir maka meðan á skólaheimsókn stendur.
Við bjóðum einnig upp á að skipuleggja fjölbreytta viðbótardagskrá eftir séróskum hvers skólahóps. Hvort sem það eru ferðir á söfn, viðburði, tónleika, íþróttaleiki, leiðsögn um borgina eða sameiginlegur kvöldverður og árshátíðarskemmtun, þá erum við ávallt tilbúin til þess gera ferðina ykkar eins eftirminnilega og skemmtilega og mögulegt er.