Fræðsluferð til Alicante 2025☀️
Lengd ferðar:
5 dagar / 4 nætur
Land:
Spánn Flugáætlanir:
29. apríl-3. maí 2025
2.-6. júní 2025
3.-7. júní. 2025
10.-14. júní. 2025
ALICANTE
Alicante er lítil og sjarmerandi borg, staðsett á austurströnd Spánar og þekkt fyrir fallegar strendur, ríka sögu og fjörmikið mannlíf. Þar búa um 340.000 manns. Rætur borgarinnar ná langt aftur í aldir, hér bjuggu Fönikíumenn árþúsundum fyrir Krist, og eftir það Grikkir og Rómverjar. Víða má sjá og skoða fornar menjar og rústir, sumar allvel varðveittar. Þau sem þyrstir í meira af slíku má einnig benda á hið vandaða fornminjasafn MARQ – Archaeological Museum of Alicante.
Glæstar byggingar
Helsta kennileiti Alicante er Santa Bárbara kastalinn (frá 9. öld), sem rís efst á Benacantil hæðinni, og veitir víðáttumikið útsýni yfir næsta nágrenni. Þau sprækustu geta gert sér góða göngu þangað, en þeim sem ekki eru alveg nógu hress fyrir þess háttar púl má benda á að hægt er að taka kláf upp að kastalanum. Í bænum sjálfum eru líka margar fallegar gamlar byggingar, til dæmis gotneska Santa Maria kirkjan frá 16. öld, og 17. aldar safnið Casa de l’Asegurada. Gamli bærinn (El Barrio) býður upp á þröngar götur, litrík hús og heilan helling af tapasbörum og veitingastöðum, þar sem heima- og ferðafólk blandast saman og gæða sér á ljúfengri spænskri matargerð.
Strendur og verslunargötur
Strandlengja Alicante er auðvitað eitt helsta aðdráttarafl staðarins. Ár eftir ár fá strendur hér viðurkenningu fyrir hreinlæti og gæði. Þær vinsælustu eru San Juan og Postiguet, en einnig má nefna Almadraba, La Albufereta og Saladares-Urbanova. Fyrir ofan þær er svo göngusvæðið Explanada de España, með sínum mósaíkskreyttu stígum, pálmatrjám og ýmis konar skemmtitækjum og afþreyingu, ásamt fjölda veitingastaða og kráa.
Hér er líka aldeilis hægt að sjoppa heil ósköp, ef sá gállinn er á. Borgin á sína eigin Römblu, Rambla de Méndez Núñez, þar sem finna má öll helstu vörumerki og verslanir. Einnig er talsvert af skemmtilegum búðum í gamla bænum. Fyrir þau sem finnst gaman að heimsækja verslunarmiðstöðvar má benda á Centro Comercial Plaza Mar 2, sem er stærst og vinsælust, en einnig Centro Comercial Gran Vía, en hún er í um 10 mín. akstursfjarlægð frá miðbænum.
Næturgleðin
,,La marcha alicantina“ er hún kölluð, stemmingin sem vaknar í borginni þegar kvölda fer. Það er gaman að skemmta sér og djamma í Alicante. Mikið er af börum og skemmtistöðum í kringum gamla bæinn, sem og Calle Castaños og nærliggjandi götur. Þá eru líka skemmtilegir barir við smábátahöfnina, og við San Juan ströndina. Hvert sem leiðin liggur er ljóst að nóttin helst ung langt frameftir, gleðin tekur öll völd og þú getur skemmt þér fram undir morgun.
Hápunktar ferðar
-
favoriteGott veður
-
favoriteFallegar strendur
-
favoriteMiðbærinn
-
favoriteFlottir veitingarstaðir
Innifalið í verði
- Flug fram og til baka
- 4 nætur á hóteli í miðbæ Alicante (Með morgunmat)
- 20 kg innritaður farangur
- Rútur til og frá flugvelli
Ekki innifalið
- Hádegismatur og kvöldmatur
- Fararstjórn (óska eftir sérstaklega)
- Fræðsluheimsóknir og námskeið (óska eftir sérstaklega)
Verð frá: 139.900kr.- á mann í tvíbýli
Hotel Maya Alicante 3* eða sambærilegt
Hotel Maya er staðsett við rætur Santa Barbara-kastalans, í 5 mínútna göngufjarlægð frá Alicante-ströndinni og í 10 mínútna göngufjarlægð frá miðbænum. Boðið er upp á árstíðabundna útisundlaug, ókeypis Wi-Fi Internet og líkamsræktaraðstöðu með víðáttumiklu útsýni.
Öll loftkældu herbergin á Maya eru með gervihnattasjónvarpi og minibar. Það er hárblásari á sérbaðherberginu. Maya er með greiðan aðgang að Postiguet-ströndinni sem er í 5 mínútna göngufjarlægð frá hótelinu. Hótelið býður upp á skemmtidagskrá fyrir fullorðna og börn í júlí og ágúst.
Veitingastaðurinn býður upp á rétti frá svæðinu og alþjóðlega rétti sem og hrísgrjónasérrétti. Einnig er kaffihús á staðnum. Herbergisþjónusta og nestispakkar eru í boði en einnig eru sjálfsalar með drykkjum og snarli til staðar. Plaza Mar 2-verslunarmiðstöðin er í 100 metra fjarlægð. Lestin til Terra Mítica-skemmtigarðsins og Benidorm stoppar beint á móti Maya. C6-flugrútan stoppar í aðeins 50 metra fjarlægð frá hótelinu.
Hótelið fær 8.3 í einkunn á booking.com og 8.4 í einkunn fyrir staðsetningu.
Verð frá: 157.900kr.- á mann í tvíbýli
Dormirdcine Alicante 4* eða sambærilegt
Í hjarta Alicante er hann í 50 metra fjarlægð frá viðkomustað flugvélarinnar C-6. Postiguet Beach og smábátahöfnin eru í minna en 200 metra fjarlægð.
Loftræst herbergi á Dormirdcine Alicante eru öll útbúin með gervihnattarsjónvarpi, peningaskáp og vinnuborði. Minnibar er í boði gegn aukagjaldi. Hægt er að fá nuddmeðferðir í herbergjunum eða í nálægum heilsulindum.
Boðið er upp á fjölbreyttan morgunverð á morgunverði á hlaðborði. Bæði er hægt að flýta inn- og útritun og fá aðgang að 24 klukkustunda móttöku.
Hótelið fær 8.6 í einkunn á booking.com og 9.7 í einkunn fyrir staðsetningu.
Umsagnir fyrri hópa
Við hjá Tripical leggjum okkur mikið fram við að gera ferðina þína sem eftirminnilegasta!
Við erum afar stolt og ánægð yfir þeim frábæru umsögnum sem viðskiptavinir hafa gefið okkur:
Umsagnir fyrri hópa Tripical
Spánn
Y Viva España!
Spánn hefur um árabil verið eitt vinsælasta land Evrópu meðal ferðafólks og þangað drífur að mikill fjöldi gesta alls staðar úr heiminum allan ársins hring. Ástæðan er langt frá því að vera ,,af því bara“ – á Spáni er svo margt að sjá og upplifa, fjölbreytileiki landsins er gríðarlegur, auk þess sem þar er auðvitað nóg til af því sem allir elska og þrá, nefnilega sól og blíðu!
Konungsríkið Spánn telur um 46 milljónir íbúa. Það er um það bil 5 sinnum stærra en Ísland að flatarmáli og staðsett á Íberíuskaga (stundum nefndur Pýreneaskagi) syðst í Evrópu, með landamæri að Portúgal til vesturs og Frakklands og smáríkisins Andorra til norðurs. Löng austurströnd landsins snýr að Miðjarjarðahafi, og syðsti oddi Spánar er um leið syðsti oddi meginlands Evrópu.
Æðislegar strendur, eldhresst næturlíf, sprúðlandi fjölmenning og borgir með afar áhugaverðan bakgrunn og sögu, og stórbrotnar byggingar því til sönnunar – allt þetta hefurðu á Spáni. En landið býr einnig yfir miklum fjölbreytileika í landfræðilegum skilningi, enda æði stórt og mikið. Þar hefurðu fjöll og snjó í norðri, risavaxin mýrlendi og sandflæmi í suðri. Sumrin eru vissulega háannatími í ferðaiðnaði landsins, en þeir sem heldur kjósa minna fjölmenni eða vetrarferðir hafa sannarlega úr mörgu að moða.
Á Spáni eru margar fallegar og spennandi borgir. Fyrst má nefna þær þekktustu, höfuðborgina Madrid með sínum heillandi arkitektúr, fjölbreyttu söfnum og sýningum, og hina mögnuðu Barcelona með sín fjölmörgu ólíku hverfi, stórbrotnu byggingar, blómstrandi menningarlíf, iðandi næturlíf og fyrirtaks sólbaðsstrendur. En þá er langt í frá allt upptalið, því hér höfum við líka borgir eins og Sevilla, Valencia, Granada og Bilbao og fleiri, allt staðir með sína einstöku sérstöðu sem fyllilega má mæla með. Þess utan eru svo minni bæir og þorp, við ströndina eða uppi á landi, sem með sjarma sínum og fegurð draga til sín sólþyrsta gesti í leit að afslöppun og ánægju.
Dagskrár hverrar fræðsluferðar er háð ferðadagsetningum hverju sinni. Dagskrá sem er innifalin í starfsferðum Tripical eru vinnustaðarheimsóknir/fræðsla sem er sniðin að þörfum hvers hóps.
Starfsferðir eru hálfgert dómínó og ekki alltaf ljóst hvað er hænan og hvað er eggið. Að því sögðu þá þekkjum við viðmið til að fá styrk og hvaða gögn þið þurfið. Það getur tekið okkur tíma að fá fullnægjandi gögn en við höfum fengið A+ í kladdann hjá sjóðunum og komið öllum út sem hafa tekið tilboði frá okkur. Við leggjum alltaf mikið upp úr fræðsluhlutanum og reynum að gera ferðina ykkar gefandi, áhugaverða sem og skemmtilega.
Áður en fræðslufúsir ferðalangar leggja í hann, fær forsvarsmanneskja hópsins nákvæma dagskrá og öll nauðsynlegum gögn sem tengjast ferðinni. Svo bara læra, lifa og njóta!
