Bútasaumsfélagið til Alsace í Frakklandi

Lengd ferðar:

8 dagar / 7 nætur

Flugtímar hjá Icelandair til Zürich:

15.09.2025
Keflavík – Zürich 07:20 – 13:05

22.09.2025
Zürich – Keflavík 14:00 – 16:00

Rúta frá fluvellinum í Zürich til Colmar er innifalin og tekur rúmar 3 klukkustundir

Rútur til og frá ráðstefnustað í Saint-Marie-Aux-Mines taka um 40 mínútur frá hóteli.

Verð á mann:

1 í herbergi: 239.990 kr. á mann með morgunmat
2 saman í herbergi: 179.990 kr. á mann með morgunmat

Lýsingar á herbergjum eftir herbergjaskipan:

Þegar 1 er í herbergi er gist í tveggja manna herbergi fyrir einstaklingsnotkun með tveimur aðskildum rúmum.

Þegar 2 eru saman í herbergi er gist í tveggja manna herbergi með hjónarúmi eða tveimur aðskildum rúmum.

Alsace héraðið er staðsett í norð-austur hluta Frakklands, austur af Rínarfljóti við landamæri Þýskalands og vestur af Vosges fjallgarðinum. Í gegnum aldirnar hafa Frakkar og Þjóðverjar til skiptis slegið eign sinni á svæðið, sem sést vel á þeirri sérstöku germansk/frönsku menningarblöndu sem þar er að finna. Langflestir íbúar Alsace líta þó á sig sem Frakka, á fáum stöðum er franski fáninn jafn áberandi og frönsk tunga er í hávegum höfð.

Strassbourg – fögur menningarsaga

Strassbourg er höfuðstaður héraðsins, heimsþekkt fyrir fegurð sína og sjarma, og kannski besta dæmið um áðurnefnda þýsk-franska blöndu, sem meðal annars má sjá í byggingarstíl, matargerð og götuheitum borgarinnar. Miðbær hennar, Grande Île, er á heimsminjaskrá UNESCO, en þar stendur hin glæsilega gotneska Notre-Dame de Strasbourg dómkirkja. Þá ber einnig að nefna hið dásamlega hverfi Petite France, með timburhúsunum sínum og steinhlöðnu stígum. Héraðið skartar einnig ótrúlega fallegum smærri þorpum, sem eru rétt eins og klippt úr ævintýri. Þar má nefna bæi eins og Riquewihr, Eguisheim og Colmar, sem ekki aðeins veita innsýn inn í fyrri tíma, heldur eru yndislegt athvarf og hvíld frá ysi og þys nútímans.

Vínekrur og kastalar

Alsace er heimsþekkt víngerðarsvæði, og víðfeðmar vínekrur teygja sig og sveigja framhjá gömlum kastalabyggingum sem standa hér og þar um héraðið, Haut-Koenigsbourg er einna frægastur. Hér færðu því gæða vín, þar á meðal Riesling, Gewurztraminer og Pinot Gris, sem drekka má með fjölbreyttum og þjóðlegum úrvalsmatseðli Alsacebúa.

Hápunktar ferðar

Flottir kastalar eins og Haut-Barr, Hohlands-bourg, Fleckenstein, Lichtenbergog des Rohan 🏰
Unterlinden Museum í bænum Colmar. Magnað safn í magnaðri byggingu 🖼️
Farðu í bátsferð um Rín og prófaðu Saint-Louis Arzviller bátalyftuna. Jebb. Bátalyfta! ⛵
Útsýnið frá Sainte-Odile klaustrinu í Vosges fjöllum er hreint út sagt guðdómlegt 📸
Écomusée d’Alsace í Ungersheim er frábær og falleg heimild um fyrri tíð og sögu svæðisins 🏛️
The Alsace Wine Route er eitthvað sem allt áhugafólk um gott vín þarf að prófa 🍷

Innifalið í verði

Flug fram og til baka með Icelandair, 1 innrituð taska 23 kg og 10 kg persónulegur farangur.
7 nætur á 3 stjörnu hóteli
Morgunmatur
Wi-fi og borgarskattur
Rútuferðir til og frá flugvelli um 3 til 3,5 klst.
Rútuferðir til og frá ráðstefnustað í Sainte-Marie-aux-Mines dagana 17. til 21. september.

Frakkland

Vegna lögunar sinnar er Frakkland stundum kallað ,,l’Hexagone“, sem þýðir sexhyrningur. Það er þriðja stærsta ríki Evrópu, á eftir Rússlandi og Úkraínu, og á landamæri að 8 nágrannaríkjum. Ekki þarf að hafa mörg orð um þá staðreynd að Frakkland er einn af Evrópurisunum í menningarlegum skilningi. Áhrif þess á heimssöguna eru gríðarleg, Frakkland er ásamt Bandaríkjunum réttilega nefnt sem helsti brautryðjandi nútíma lýðræðis, og enn í dag skipar ríkið stóran sess í hinni vestrænu heimsmynd. Landið er auk þess vinsælasta ferðamannaland heims, og þangað koma um 90 milljónir gesta ár hvert.

Almennar upplýsingar:

Fjöldi fólks: 64,797,721
Stærð að flatamáli: 551,695 km²
Opinbert tungumál: Franska
Gjaldmiðill: Evra
Hitastig: Sumar 16°- 25° / Vetur 0°– 7° Ath: Mun hlýrra í Suður-Frakklandi
Tímabelti: 1-2 tímum á undan Íslandi

Meginland Frakklands er fjölbreytt í landslagi. Norður- og vesturströndin einkennist meira af flatlendi, í suð-austur og suð-vestur hlutanum rísa fjallgarðar Alpanna og Pýrennafjalla í öllu sínu veldi, þar á meðal einn af hæstu tindum Evrópu, Mont Blanc (4810 m.) Hinar frönsku sveitir búa yfir segulmagnaðri fegurð, má þar sem dæmi nefna lavenderakra Provence héraðsins, og ekrur og víngarða Bordeaux. Syðsti hlutinn einkennist af hlýrra loftslagi, Franska Rívíeran teygir sig meðfram Miðjarðarhafinu og býður upp á dásamlegar strendur og skínandi sól, gróðursæla náttúru og ekta Miðjarðarhafs stemmingu.

Frönsk matarmenning er auðvitað sér á parti og hefur lengi haft yfirburði yfir aðra. Um allan heim keppast matreiðslumeistarar við að hljóta viðurkenningu með hinni frönsku Michelin stjörnugjöf. Frönsku vínin eru þekkt fyrir gæði sín, og svo þykir mörgum landið bera af í eftirréttum, brauð- og kökugerð.

Höfuðborgin París hefur í gegnum tíðina verið kölluð ýmsum nöfnum sem öll eiga að grípa sérstöðu hennar. Hún er borg ástarinnar, borg ljósadýrðar, borg tísku og lista. París er stórfengleg menningarborg, hlaðin glæstri sögu og sögufrægum byggingum. Það er ógleymanleg upplifun að sjá útsýnið frá Eiffelturninum, ganga um hellulögð og sjarmerandi stræti Montmarte, njóta birtunnar sem streymir í gegnum um steind gler Notre Dame eða horfa í átt til sigurbogans eftir Champs-Élysées.

Þær eru ófáar andans hetjurnar frönsku sem glatt hafa okkur með listsköpun sinni, fólk á borð við listmálarann Monet, rithöfundar eins og Victor Hugo, Voltaire og Marcel Proust, og söngdívan sígilda, elskað og dáða Edith Piaf.

Hótelið okkar

Ibis Styles Colmar Nord 3*

Ibis Styles Colmar Nord er staðsett norður af Colmar, með útsýni yfir Vosges-fjöllin. Hótelið er með útisundlaug og loftkæld herbergi með LCD gervihnattasjónvarpi og Wi-Fi.

Á hótelinu er einnig leikvöllur.

Kaffihúsið býður upp á nútímalega sælkeramatargerð í nútímalegu umhverfi, með verönd með útsýni yfir Vosges-fjöllin.

Ibis Styles Colmar Nord er 5 km norður af gamla bænum í Colmar, nálægt A35 hraðbrautinni. Hótelið er í göngufæri frá Aéroport Colmar Houssen og viðskiptagarðinum. Hótelið býður einnig upp á ókeypis bílastæði.

Hótelið fær 8,2 í heildareinkun á booking.com og 7,6 fyrir staðsetningu