Andorra

Sjá myndir

Andorra

Andorra er rétt um 480 ferkílómetrar að stærð og þar búa 78 þúsund manns. Stærðin er svona eins og Reykjavik, Kópavogur og Garðabær til samans. Hægt er að ganga í kringum Andorra á 5 dögum! Til landsins koma árlega þrjár og hálf milljón ferðamanna sem gista tvær eða fleiri nætur en auk þeirra detta inn aðrar fimm milljónir í dagsferðir frá Frakklandi og Spáni. Ferðaiðnaðurinn er allra stærsta tekjulind þjóðarinnar og þar er mikil fagmennska.

Andorra er eitthvað svo passleg. Frá Spáni er fyrst komið til höfuðborgarinnar, Andorra de Vella í rétt rúmlega 1.000 metra hæð og brunað áfram inn dal sem teygir sig alla leið að landamærum Frakklands. Við tekur nokkru hækkun á 8 km leið yfir til Encamp sem liggur í 1.250 metra hæð. Þaðan liggur Funicamp kláflyftan upp á skíðasvæðið. Ekki er hægt að renna sér alla leið til baka og er þá kláfurinn tekinn niður í bæ.

Frá Encamp liggur svo leiðin til Canillo sem er rúma fimm kílómetra í burtu og þangað er umtalsverð hækkun eða upp í 1.525 metra. Kláflyfta gengur úr þorpinu og upp á skíðasvæðið. Hægt er að renna sér niður í bæinn. Næst, 10 kílómetra frá Canillo er smáþorpið El Tarter í 1.750 metra hæð. Þar eru bæði afkastamikil kláfferja og stólalyfta að ógleymdum aðal Aprés Ski barnum Aberset. Þar er dansað á útipalli langt fram á kvöld, flöskuborð, útibarir, og matur.

Þrem kílómetrum ofar í dalnum er svo heimavöllur Tripical, Soldeu, sem stendur í 1.800 metra hæð. Hér er fjöldi hótela, ágætir barir, veitingastaðir af öllum gerðum og stærðum. Allt umkringir þetta kláflyftuna sem ferjar fólk upp á svæðið. Fallegt þorp sem fékk umtalsverða andlitslyftingu sumarið 2019. Heil umferð heimsbikarmótsins í skíðaíþróttum fór fram í Soldeu árið 2019 og var nýlega tilkynnt að lokaumferðin, eða úrslitin, fari þar fram 2023. Hér er Michelinstjörnustaður, stjörnum prýddir Michelinkokkar og staðir sem fá meðmæli Michelin. Yndislegir pizzastaðir, kaffihús og svo auðvitað barir. Mörg hótelana eru með opið fyrir almenna gesti á veitingastaðina sína. Stjarna er Hermitage hótelið en sömu aðilar reka Sport Hotel, Sport Hotel Village og Sport Hotel Residence.

Efst í dalnum, sex kílómetrum ofar, í 2.120 metrum er svo Rauða hlíð eða Grau Roig. Þar er bara eitt hótel og nokkrir veitingastaðir en margar lyftur eru í dalnum sem þjóna tengihlutverki fram og til baka yfir í síðasta bæinn sem myndar Grandvalira svæðið. Hér eiga til að myndast 5 mínútna raðir í tvær lyftur yfir háannatímann þegar fólk er að færa sig milli svæða.

Alveg við landamæri Frakklands er svo Pas De La Casa eða Skrefið heim. Þetta er nokkur stórt þorp í 2.100 metra hæð, jafnvel hægt að kalla þetta bæ með mikið gistirými, fjölda lyfta og mikið af verslunum. Hér er að finna ódýrustu gistinguna og ekki óalgengt að þarna séu stórir hópar af ungu fólki sem leigir íbúðir, drekkur mest heima og er lengi úti. Það er því oft líflegt á götum bæjarins fram undir morgun. Pas De La Casa liggur alveg á landamærunum og mikill ys og þys sem fylgir umferðinni í útjaðrinum.

Andorra

Skíðaferð: Andorra – Nýr magnaður skíðaáfangastaður

Þriðja árið í röð skrúfa Daddi Disco og Níels Hafsteinsson saman vetrargleðina upp um nokkra styrkleikaflokka. Nú á nýjum og spennandi áfangastað í Pýreneafjöllunum. Fyrir utan hæfilega blöndu af hreyfingu og gleði í brekkunum er ekki síður tekið á því...